പണ്ടു മുതലേ ആളുകള്‍ ശീലിച്ചു വന്നിരുന്ന ഒരു കാര്യമാണ് മുടിയില്‍ എണ്ണ തേക്കുക എന്നത്. അതായത് മുടിവളരണമെങ്കില്‍ എണ്ണ പുരട്ടിയേ തീരൂ എന്നതായിരുന്നു രീതി. ഇതിനായി പലതരത്തിലുള്ള എണ്ണകളാണ് വിപണിയില്‍ ലഭ്യമായിക്കൊണ്ടിരുന്നതും വീടുകളില്‍ ഉണ്ടാക്കിയിരുന്നതും. എന്നാല്‍ ഇന്നത്തെ തിരക്കേറിയ ജീവിതശൈലിയില്‍ ഇത്തരം രീതികള്‍ പിന്തുടരാനൊന്നും ആരും മെനക്കെടാറില്ല. എന്നാല്‍ മുടിയില്‍ എണ്ണ തേയ്ക്കാതിരിക്കുമ്പോള്‍ എന്താണ് സംഭവിക്കുന്നതെന്ന് എപ്പോഴെങ്കിലും നിങ്ങള്‍ ചിന്തിച്ചിട്ടുണ്ടോ..? 

ALSO READ: ബീറ്റ്‌റൂട്ട് ജ്യൂസില്‍ കുറച്ച് ചിയ സീഡും ചേര്‍ത്തു കുടിച്ചു നോക്കൂ...! ഫലം നിങ്ങളെ ഞെട്ടിക്കും

മുടിയില്‍ എണ്ണ തേയ്ക്കുമ്പോള്‍ ഈര്‍പ്പം നിലനിര്‍ത്തും. മാത്രമല്ല, മുടിയിഴകളെ മൃദുവും കൂടുതല്‍ വഴക്കമുള്ളതുമാക്കുന്നു. എണ്ണ തേയ്ക്കുന്നത് ഒരു പരിധിവരെ മുടിയുടെ വേരുകളിലേക്ക് കയറി ആഴത്തിലുള്ള കണ്ടീഷനിങ്, മുടിവളര്‍ച്ച, തലയോട്ടിയുടെ പോഷണം എന്നിവയും മികച്ചതാക്കുന്നു. മുടിയില്‍ എണ്ണ തേയ്ക്കുമ്പോള്‍ ഈര്‍പ്പം നിലനിര്‍ത്തുകയും വരള്‍ച്ചയും മുടിയുടെ അറ്റം പിളരുന്നതും പൊട്ടലുമൊക്കെ തടയാനും കഴിയുന്നു. കൂടാതെ ഇത് നമ്മുടെ മുടിയിഴകളെ പോഷിപ്പിക്കുകയും മുടിയുടെ തണ്ടിനെ കൂടുതല്‍ ശക്തിപ്പെടുത്തുകയും പോഷകങ്ങള്‍ ആവശ്യത്തിനു നല്‍കുകയും  ചെയ്യുന്നു. 

എണ്ണ തേക്കുന്നത് നിര്‍ത്തിയാല്‍ അപ്പോള്‍ എന്തു സംഭവിക്കുമെന്നു നോക്കാം. 

പതിവായി എണ്ണ തേയ്ക്കുമ്പോള്‍ ആരോഗ്യകരമായ തലയോട്ടിയും താരന്‍, ചൊറിച്ചില്‍ എന്നിവ തടയുകയും ചെയ്യുന്നു. 
ആഴ്ചയോളം എണ്ണ പുരട്ടാതിരുന്നാല്‍ മുടിയുടെ ഈര്‍പ്പം വേഗത്തില്‍ നഷ്ടപ്പെടുകയും ഇത് വരള്‍ച്ചയ്ക്കും പൊട്ടലിനും കാരണമാവുകയും ചെയ്യുന്നതാണ്. എണ്ണ നല്‍കുന്ന സംരക്ഷണപാളി സ്വാഭാവിക ഈര്‍പ്പം നിലനിര്‍ത്തുകയും ചെയ്യുന്നു. എന്നാല്‍ എണ്ണ പുരട്ടാതിരിക്കുമ്പോള്‍ അത് മുടിയുടെ തിളക്കത്തെ ബാധിക്കുകയും ചെയ്യുന്നു. എണ്ണ തേക്കുമ്പോള്‍ മുടിയുടെ പുറംതൊലിയും മിനുസമുള്ളതാവുന്നു. 

മുടിയുടെ വേരിന് ആവശ്യമായ ഫാറ്റി ആസിഡുകള്‍ വിറ്റാമിനുകള്‍ ധാതുക്കള്‍ എന്നിവ നല്‍കാന്‍ എണ്ണകള്‍ക്ക് സാധിക്കുന്നതാണ്. ഈ പോഷകങ്ങള്‍ കിട്ടാതെ വന്നാല്‍ മുടി ദുര്‍ബലമാവുകയും മുടിയുടെ അറ്റം പിളരാനും കാരണമാവും. ഈ പോഷകങ്ങളുടെ അഭാവം മുടിയുടെ വളര്‍ച്ചയെ മന്ദഗതിയിലാക്കുകയും അത് തലയോട്ടിയെ ബാധിക്കുകയും ചെയ്യുന്നു.