ദുബൈ: രാജ്യത്തെ ഏറ്റവും വലിയ മയക്കുമരുന്ന് ശൃംഖലയെ തകർത്ത് കുവൈത്ത്. 800,000-ലധികം ലിറിക്ക ഗുളികകൾ പിടിച്ചെടുത്തതിനൊപ്പം, മയക്കുമരുന്ന് കുറ്റകൃത്യങ്ങൾക്ക് ശിക്ഷിക്കപ്പെട്ട് ജയിലിൽ കഴിയുന്ന ഒരു പ്രധാനി ഉൾപ്പെടെ നിരവധി പ്രതികളെ അറസ്റ്റ് ചെയ്തു.

ആഭ്യന്തര മന്ത്രാലയം വ്യക്തമാക്കിയതനുസരിച്ച്, ക്രിമിനൽ സെക്യൂരിറ്റി സെക്ടറിന് കീഴിലുള്ള മയക്കുമരുന്ന് നിയന്ത്രണ വിഭാഗം, ആഴ്ചകളോളം നീണ്ട നിരീക്ഷണത്തിനും അന്വേഷണത്തിനും ശേഷമാണ് ഈ ഓപ്പറേഷൻ നടത്തിയത്.

ജയിലിൽനിന്ന് നിയന്ത്രിച്ച മുഖ്യപ്രതി

അന്വേഷണത്തിൽ, കുവൈത്ത് സെൻട്രൽ ജയിലിൽനിന്നാണ് ഈ മയക്കുമരുന്ന് ശൃംഖലയുടെ പ്രവർത്തനങ്ങൾ നിയന്ത്രിച്ചിരുന്നതെന്ന് വ്യക്തമായി. മയക്കുമരുന്ന് കേസിൽ ശിക്ഷിക്കപ്പെട്ട് ജയിലിൽ കഴിയുന്ന ഒരു കുവൈത്ത് പൗരനാണ് ഈ ശൃംഖലയുടെ മുഖ്യ സൂത്രധാരൻ.

ALSO READ: കോഴിക്കോട് എലത്തൂർ സ്വദേശി കുവൈത്തിൽ വെച്ച് മരണപ്പെട്ടു 

മൃഗശാല ഉപയോഗിച്ച് മയക്കുമരുന്ന് സംഭരണം

കബാദ് മേഖലയിലെ ഒരു താത്കാലിക സംഭരണ കേന്ദ്രത്തിലേക്കാണ് മയക്കുമരുന്ന് എത്തിച്ചിരുന്നത്. ഒരു കുവൈത്ത് പൗരന്റെ പേരിൽ മാസം 600 കുവൈത്ത് ദിനാർ വാടകയ്ക്ക് എടുത്ത ഒരു മൃഗശാല (ജഖൂർ) ആയിരുന്നു ഇത്. മയക്കുമരുന്ന് സംഭരിക്കാനും പാക്ക് ചെയ്യാനും വിതരണം ചെയ്യാനും ഈ സ്ഥലം ഉപയോഗിച്ചിരുന്നു.

പൊലിസ് റെയ്ഡ് സമയത്ത് അക്രമാസക്തനായ പ്രതി പൊലിസ് വാഹനങ്ങൾക്ക് നാശനഷ്ടം വരുത്തി. സ്ഥലത്ത് നടത്തിയ തിരച്ചിലിൽ വൻതോതിൽ ലിറിക്ക ഗുളികകൾ, പൊടിച്ച ലിറിക്ക, വിതരണത്തിനായി പാക്ക് ചെയ്യാനുള്ള ഉപകരണങ്ങൾ എന്നിവ കണ്ടെടുത്തു.

ഏഷ്യയിൽനിന്ന് വിമാനമാർഗം കടത്ത്

ചോദ്യം ചെയ്യലിൽ, ജയിലിലുള്ള മുഖ്യപ്രതി ഒരു ഏഷ്യൻ രാജ്യത്ത് നിന്നാണ് മയക്കുമരുന്ന് എത്തിച്ചിരുന്നതെന്ന് സമ്മതിച്ചു. കുറ്റസമ്മതത്തെത്തുടർന്ന്, അധികാരികൾ ജനറൽ അഡ്മിനിസ്ട്രേഷൻ ഓഫ് കസ്റ്റംസുമായി സഹകരിച്ച് വിമാനത്താവളത്തിലെ ഒരു കാർഗോ സൗകര്യം പരിശോധിച്ചു. പരിശേധനയിൽ ലക്ഷക്കണക്കിന് ലിറിക്ക കാപ്സ്യൂളുകൾ നിറച്ച ഏഴ് വലിയ പെട്ടികൾ കണ്ടെത്തുകയായിരുന്നു.

Kuwait's General Administration of Customs, in coordination with the General Department for Drug Control, has thwarted a major drug smuggling attempt involving a shipment of over 271,000 suspected Lyrica capsules. The pills were carefully concealed in a shipment labeled as personal baggage coming from Hong Kong. Authorities acted on a tip-off and conducted detailed investigations, intensifying inspection procedures to uncover the suspicious shipment ¹.