ദുബൈ: അൽ ഹദ ജില്ലയിലെ റിസോർട്ടിലെ അമ്യൂസ്മെന്റ് പാർക്കിലെ റൈഡ് തകർന്ന് നിരവധി പേർക്ക് പരുക്കേറ്റ സംഭവത്തിൽ അന്വേഷണം പ്രഖ്യാപിച്ചു. അൽ റിയാദ് അറബിക് ദിനപ്പത്രമാണ് ഇക്കാര്യം റിപ്പോർട്ട് ചെയ്തത്. 

തായിഫ് ഗവർണറേറ്റ് X-ൽ പോസ്റ്റ് ചെയ്ത പ്രസ്താവനയിൽ, പ്രിൻസ് സഊദ് ബിൻ നഹർ ബിൻ സഊദ് ബിൻ അബ്ദുൽഅസീസ് എല്ലാ ബന്ധപ്പെട്ട അധികാരികളുമായി അടിയന്തര യോഗം വിളിച്ചുചേർത്ത്, അന്വേഷണ ഫലങ്ങൾ വൈകാതെ സമർപ്പിക്കാൻ ഉദ്യോഗസ്ഥർക്ക് നിർദേശം നൽകിയതായി വ്യക്തമാക്കി. പരുക്കേറ്റവരെ ആശുപത്രിയിൽ സന്ദർശിച്ച പ്രിൻസ് സൗദ്, ഹദ പ്രദേശത്തെ ഗ്രീൻ മൗണ്ടൻ പാർക്കിന്റെ കർശനമായ സുരക്ഷാ അവലോകനത്തിന് ഉത്തരവിടുകയും ചെയ്തു.

ALSO READ: ഷാർജ ഇൻഡസ്ട്രിയൽ ഏരിയയിൽ തീപിടുത്തം; മുഹമ്മദ് ബിൻ സായിദ് റോഡിൽ നിന്ന് പുക ഉയരുന്നത് കാണാമെന്ന് ദൃക്സാക്ഷികൾ

പ്രാഥമിക റിപ്പോർട്ടുകൾ പ്രകാരം, യുവതികൾ ഉൾപ്പെടെ നിരവധി സന്ദർശകരുമായി റൈഡ് പ്രവർത്തിക്കുന്നതിനിടെ, പെട്ടെന്ന് തകർന്നുവീഴുകയായിരുന്നു. റെഡ് ക്രസന്റ്, സിവിൽ ഡിഫൻസ് എന്നിവയുടെ അടിയന്തര ടീമുകൾ മിനിറ്റുകൾക്കകം സ്ഥലത്തെത്തി, പരുക്കേറ്റവരിൽ ചിലർക്ക് സംഭവ സ്ഥലത്തുവച്ച് തന്നെ ചികിത്സ നൽകുകയും മറ്റുള്ളവരെ അടുത്തുള്ള ആശുപത്രികളിലേക്ക് മാറ്റുകയും ചെയ്തു. സംഭവത്തിൽ 23 പേർക്കാണ് പരുക്കേറ്റത്, അതിൽ മൂന്ന് പേരുടേത് ഗുരുതര പരുക്കുകളാണ്. ഇതുവരെ മരണങ്ങൾ റിപ്പോർട്ട് ചെയ്തിട്ടില്ല.

സംഭവത്തിന്റെ പശ്ചാത്തലത്തിൽ, ഗവർണർ റിസോർട്ട് അടച്ചുപൂട്ടാൻ ഉത്തരവിട്ടു, കൂടാതെ തകർച്ചയുടെ കാരണങ്ങൾ കണ്ടെത്തുന്നതിനായി അന്വേഷണം ആരംഭിച്ചു. അശ്രദ്ധയ്ക്ക് ഉത്തരവാദികളായവരെ ശിക്ഷിക്കുമെന്ന് അദ്ദേഹം ഉറപ്പ് നൽകി.

ALSO READ: രാജ്യത്തെ ഏറ്റവും വലിയ മയക്കുമരുന്ന് ശൃംഖലയെ തകർത്ത് കുവൈത്ത്

അൽ ഹദ മൗണ്ടൻ റിസോർട്ട് പ്രദേശത്തെ വിനോദ റൈഡുകളുടെ മെയിന്റനൻസ് നടപടികൾ, സുരക്ഷാ ചട്ടങ്ങൾ പാലിക്കൽ, നിരീക്ഷണ സംവിധാനങ്ങൾ എന്നിവയിൽ അന്വേഷണം കേന്ദ്രീകരിക്കുമെന്ന് അധികൃതർ അറിയിച്ചു.

An investigation has been launched into the collapse of a ride at Green Mountain Park in Taif's Al Hada area, which injured 23 people, with three in critical condition. The ride, known as '360 Degrees', malfunctioned when its central pole snapped while in motion, causing the ride to crash to the ground. Taif Governor Prince Saud bin Nahar ordered the immediate shutdown of the park pending the investigation