കോട്ടയം: മുണ്ടക്കയത്ത് വൈദ്യുതി പോസ്റ്റ് ഒടിഞ്ഞുവീണ് ഫയർഫോഴ്സ് ഹോം ഗാർഡ് മരിച്ചു. ഇന്ന് രാവിലെ 11 മണിയോടെ മുണ്ടക്കയം അസമ്പനി പ്രദേശത്താണ് അപകടം നടന്നത്. കാഞ്ഞിരപ്പള്ളി ഫയർഫോഴ്സ് ഓഫീസിൽ ഹോം ഗാർഡായി ജോലി ചെയ്തിരുന്ന മുണ്ടക്കയം കരിനിലം സ്വദേശി കല്ലുകുന്നേൽ കെ.എസ്. സുരേഷാണ് മരിച്ചത്. 

ALSO READ: 'വോട്ടര്‍മാരെ കൂട്ടത്തോടെ ഒഴിവാക്കിയാല്‍ ഇടപെടും' ബിഹാര്‍ വോട്ടര്‍പട്ടിക തീവ്ര പരിശോധനയില്‍ സുപ്രിം കോടതിയുടെ താക്കീത് 

വൈദ്യുതി ലൈനിന് മുകളിൽ ചാഞ്ഞുകിടന്നിരുന്ന ഒരു മരം മുറിച്ചുമാറ്റുന്നതിനിടെ വൈദ്യുതി പോസ്റ്റ് പൊട്ടി സുരേഷിന്റെ ശരീരത്തിലേക്ക് വീഴുകയായിരുന്നു. രക്ഷപ്പെടാൻ ശ്രമിച്ചെങ്കിലും വിജയിച്ചില്ല. ഗുരുതരമായ പരുക്കുകളോടെ സുരേഷിനെ മുണ്ടക്കയത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വാരിയെല്ലുകൾ തകർന്നതാണ് മരണകാരണമെന്ന് ഡോക്ടർമാർ വ്യക്തമാക്കി.

Fire Force Home Guard dies after electricity pole falls in Mundakkayam. The accident occurred at around 11 am today in the Mundakkayam Asambani area. The deceased has been identified as Kallukunnel K.S. Suresh, a native of Karinilam, Mundakkayam, who was working as a home guard at the Kanjirappally Fire Force Office.