ഗസ്സ സിറ്റി: ശനിയാഴ്ച ഇസ്‌റാഈൽ നടത്തിയ ക്രൂര ആക്രമണത്തിൽ ഗസ്സയിൽ കുറഞ്ഞത് 62 പേർ കൊല്ലപ്പെട്ടു. ഇതിൽ 38 പേർ ഭക്ഷണ സഹായം തേടിയെത്തിയവരായിരുന്നു. കഴിഞ്ഞ 24 മണിക്കൂറിനുള്ളിൽ പോഷകാഹാരക്കുറവ് മൂലം ഏഴ് പേരും കൊല്ലപ്പെട്ടു. പട്ടിണി മൂലം മരിച്ചവരിൽ 17 വയസ്സുള്ള ഒരു ഫലസ്തീൻ കുട്ടിയും ഉള്ളതായി മെഡിക്കൽ വൃത്തങ്ങൾ അറിയിച്ചു.

ശനിയാഴ്ചവരെയുള്ള ഇസ്‌റാഈൽ ആക്രമണത്തിൽ കുറഞ്ഞത് 60,430 പേർ കൊല്ലപ്പെടുകയും 148,722 പേർക്ക് പരുക്കേൽക്കുകയും ചെയ്തിട്ടുണ്ട്. ഒക്ടോബർ 7 ലെ ആക്രമണങ്ങളിൽ ഇസ്രാഈലിൽ 1,139 പേർ കൊല്ലപ്പെടുകയും 200-ലധികം പേരെ തടവുകാരായി പിടിക്കുകയും ചെയ്തു.

മെയ് മാസത്തിൽ യുഎസ് പിന്തുണയുള്ള വിവാദ സന്നദ്ധ സംഘടനായ ജിഎച്ച്എഫ് പ്രവർത്തനം ആരംഭിച്ചതിനുശേഷം, അവർ നടത്തുന്ന സ്ഥലങ്ങളിൽ ഭക്ഷണം വാങ്ങാൻ ശ്രമിക്കുന്നതിനിടെ 1,300- ലധികം ഫലസ്തീനികൾ കൊല്ലപ്പെട്ടതായി ഐക്യരാഷ്ട്രസഭ ഈ ആഴ്ച ആദ്യം പറഞ്ഞിരുന്നു.   ഗസ്സയിലെ ജിഎച്ച്എഫിന്റെ പ്രവർത്തനങ്ങളെക്കുറിച്ചുള്ള വിമർശനങ്ങളും കൊലപാതകങ്ങളും വർദ്ധിച്ചുവരുന്ന സ്ഥിതി ഉണ്ടായിരുന്നിട്ടും ട്രംപ് ഭരണകൂടം ജിഎച്ച്എഫിന് പിന്നിൽ ഉറച്ചുനിൽകുകയാണ്. ജൂണിൽ, ജിഎച്ച്എഫിനെ പിന്തുണയ്ക്കുന്നതിനായി 30 മില്യൺ ഡോളർ അനുവദിച്ചതായി ട്രംപ് പ്രഖ്യാപിച്ചിരുന്നു.

അതേമയം, ഇസ്‌റാഈലുമായുള്ള ഗാസ വെടിനിർത്തൽ ചർച്ചകൾക്കിടെ നിരായുധീകരണത്തിന് സന്നദ്ധത പ്രകടിപ്പിച്ചുവെന്ന റിപ്പോർട്ടുകൾ ഹമാസ് നിരസിച്ചു. ഫലസ്തീൻ പ്രദേശത്തെ ഇസ്രായേൽ അധിനിവേശത്തെ നേരിടാൻ തങ്ങൾക്ക് ദേശീയവും നിയമപരവുമായ" അവകാശമുണ്ടെന്ന് ഹമാസ് വ്യക്തമാക്കി. അമേരിക്കൻ പ്രസിഡന്റ് ഡൊണാൾഡ് ട്രംപിന്റെ മിഡിൽ ഈസ്റ്റിലേക്കുള്ള പ്രത്യേക ദൂതൻ സ്റ്റീവ് വിറ്റ്കോഫ് നടത്തിയ പരാമർശങ്ങളാണ് ഹമാസ് തള്ളിയത്.

ഇസ്‌റാഈൽ അധിനിവേശം നിലനിൽക്കുന്നിടത്തോളം കാലം ചെറുത്തുനിൽപ്പ് ദേശീയവും നിയമപരവുമായ അവകാശമാണ്. ഇസ്‌റാഈൽ ആയുധം താഴെവെക്കാതെ ഞങ്ങളുടെ ആയുധങ്ങളും താഴെവെക്കില്ലെന്ന് ഹമാസ് പ്രസ്താവനയിൽ അറിയിച്ചു.

നമ്മുടെ പൂർണ്ണ ദേശീയ അവകാശങ്ങൾ പുനഃസ്ഥാപിക്കപ്പെടുന്നതുവരെ പോരാടാനുള്ള അവകാശം ഉപേക്ഷിക്കാൻ കഴിയില്ല. അവയിൽ ഏറ്റവും പ്രധാനം ജറുസലേം തലസ്ഥാനമായി പൂർണ്ണമായും പരമാധികാരമുള്ളതും സ്വതന്ത്രവുമായ ഒരു ഫലസ്തീൻ രാഷ്ട്രം സ്ഥാപിക്കുക എന്നതാണ് എന്നും ഹമാസ് അറിയിച്ചു.

At least 62 people were killed in a brutal Israeli attack on Gaza on Saturday. Among the victims, 38 were civilians who had gathered in search of food aid, according to reports. In the last 24 hours, seven more people have died due to malnutrition, further exposing the dire humanitarian crisis in the region. Medical sources confirmed that a 17-year-old Palestinian child was among those who died from starvation.