ഇൻഡോർ: മധ്യപ്രദേശിലെ ഇൻഡോറിൽ നടപ്പിലാക്കിയ 'നോ പെട്രോൾ, നോ ഹെൽമറ്റ്' (No Helmet, No Petrol) പദ്ധതിയെ തുടർന്ന് പമ്പുകളും ജനങ്ങളും തമ്മിലുള്ള തർക്കം വ്യാപകമാകുന്നു. ഹെൽമറ്റ് ഇല്ലാതെ ബൈക്കിൽ എത്തിയ യുവാക്കൾക്ക് ഇന്ധനം നൽകാത്തതിനെ തുടർന്ന് ജീവനക്കരെ ആക്രമിക്കുകയും പമ്പിന് തീയിടാൻ ശ്രമിക്കുകയും ചെയ്തു. 

പെട്രോൾ നൽകില്ലെന്ന് അറിയിച്ചതോടെ ജീവനക്കാരും ബൈക്കിൽ എത്തിയ രണ്ട് യുവാക്കളും തമ്മിൽ തർക്കം രൂക്ഷമായി. പിന്നാലെ ബൈക്ക് യാത്രികർ കത്തി പുറത്തെടുക്കുകയും പെട്രോൾ പമ്പ് ടാങ്കിന് സമീപം തീപ്പെട്ടി കത്തിക്കുകയും ചെയ്തു. ഭാഗ്യവശാൽ, പെട്രോൾ പമ്പിന് തീ പിടിക്കാത്തതിനാൽ വലിയൊരു അപകടം ഒഴിവായി. വെള്ളിയാഴ്ച വൈകുന്നേരം നടന്ന സംഭവം പെട്രോൾ പമ്പിന്റെ പരിസരത്ത് സ്ഥാപിച്ചിരുന്ന സിസിടിവി ദൃശ്യങ്ങൾ പുറത്തുവന്നതോടെയാണ് വാർത്തയായത്.

സംഭവം പുറത്തറിഞ്ഞതിനെത്തുടർന്ന് സഞ്ജയ്, ഷഫീഖ് എന്നീ പ്രതികളെ പൊലിസ് കസ്റ്റഡിയിലെടുത്തു. വിഷയത്തിൽ നിയമനടപടി സ്വീകരിച്ചുവരികയാണ്.

ALSO READ: വന്ദേ ഭാരത്തിൽ ഇനി കിടന്ന് യാത്ര ചെയ്യാം; രാജ്യത്തെ രാത്രി യാത്ര സ്പീഡാക്കാൻ വന്ദേ ഭാരത് സ്ലീപ്പർ അടുത്ത മാസം എത്തും

"ഹെൽമെറ്റ് ഇല്ലാത്തവർക്ക് ഇന്ധനം നൽകാൻ ജീവനക്കാർ വിസമ്മതിച്ചതിനെ തുടർന്ന് പെട്രോൾ പമ്പിൽ തർക്കമുണ്ടായി. അവർക്കിടയിൽ ഒരു തർക്കവും കയ്യാങ്കളിയുമുണ്ടായി, തുടർന്ന് അവർ കത്തി എടുത്ത് പെട്രോൾ പമ്പിന്റെ ടാങ്കിന് സമീപം കത്തിച്ച തീപ്പെട്ടി എറിഞ്ഞു. പ്രതികളായ സഞ്ജയ്, ഷഫീഖ് എന്നിവരെ കസ്റ്റഡിയിലെടുത്തു, നിയമനടപടി സ്വീകരിച്ചുവരികയാണ്. പെട്രോൾ പമ്പിന് കേടുപാടുകൾ സംഭവിച്ചിട്ടില്ല" പൊലിസ് പിആർഒ രാജേഷ് ദണ്ഡോതിയ പറഞ്ഞു.

മധ്യപ്രദേശിലെ ഇൻഡോർ ജില്ലയിൽ വെള്ളിയാഴ്ചയാണ് ഹെൽമെറ്റ് ഇല്ലാതെ ഇരുചക്ര വാഹന യാത്രക്കാർക്ക് ഇന്ധനം വിൽക്കുന്നത് നിരോധിച്ചുകൊണ്ട് ഭരണകൂടം പുതിയ ഉത്തരവ് പുറപ്പെടുവിച്ചത്. പിന്നാലെ നിയമം ലംഘിച്ച അരാൻഡിയ ബൈപാസിലെ ഒരു പെട്രോൾ പമ്പ് നിയമലംഘനത്തിന് സീൽ ചെയ്തു. സബ് ഡിവിഷണൽ മജിസ്‌ട്രേറ്റുമാരുടെ (എസ്ഡിഎം) നേതൃത്വത്തിലുള്ള പ്രത്യേക സംഘങ്ങളാണ് പെട്രോൾ പമ്പുകൾ കേന്ദ്രീകരിച്ച് പരിശോധന നടത്തുന്നത്.

ALSO READ: തിരൂരിൽ യുവാവ് കുത്തേറ്റ് മരിച്ചു; മുൻവൈരാഗ്യമെന്ന് സൂചന

The implementation of the 'No Helmet, No Petrol' policy in Indore, Madhya Pradesh, has led to widespread tension between fuel station staff and the public. As part of the road safety initiative, petrol pumps have been instructed not to provide fuel to two-wheeler riders without helmets. However, the move has triggered violent reactions, with reports of youth attacking petrol pump employees and even attempting to set fuel stations on fire after being denied service for not wearing helmets.