കശ്മീര്‍: അരുന്ധതി റോയിയുടേയും എ.ജി നൂറാനിയുടെയും അടക്കം 25 പുസ്തകങ്ങള്‍ നിരോധിച്ച് ജമ്മുകശ്മീര്‍ ആഭ്യന്തര വകുപ്പ്.ദേശസുരക്ഷയെ ബാധിക്കുന്നുവെന്ന് ചൂണ്ടിക്കാട്ടിയാണ് നടപടി. 

ലെഫ്റ്റനന്റ് ഗവര്‍ണറുടെ ഉത്തരവിനെ തുടര്‍ന്ന് ഈ പുസ്തകങ്ങളുടെ പ്രസിദ്ധീകരണവും വിതരണവും പൂര്‍ണമായി നിരോധിക്കുകയും പലതും പിടിച്ചെടുക്കുകയും ചെയ്തിട്ടുണ്ട്.

'ചില സാഹിത്യങ്ങള്‍ ജമ്മു കശ്മീരില്‍ തെറ്റായ വിവരണവും വിഘടനവാദവും പ്രചരിപ്പിക്കുന്നതായി സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ട്... ഈ സാഹിത്യങ്ങള്‍ തീവ്രവാദമുള്‍പെടെ പ്രോത്സാഹിപ്പിക്കുകയും യുവാക്കളുടെ മനസ്സിനെ ആഴത്തില്‍ സ്വാധീനിക്കുകയും ചെയ്യുന്നു' ജമ്മുകശ്മീര്‍ ആഭ്യന്തര സെക്രട്ടറി പുറത്തിറക്കിയ ഉത്തരവില്‍ പറയുന്നു. 

ALSO READ: ഗസ്സയില്‍ ഇന്ന് പുലര്‍ച്ചെ മുതല്‍ കൊന്നൊടുക്കിയത് 23 മനുഷ്യരെ, പട്ടിണി മരണം അഞ്ച്
'വിശ്വസനീയമായ രഹസ്യാന്വേഷണ വിവരങ്ങളുടെയും അന്വേഷണത്തിന്റെയും അടിസ്ഥാനത്തിലാണ് പുസ്തകങ്ങള്‍ നിരോധിച്ചതെന്നും ഉത്തരവില്‍ വ്യക്തമാക്കുന്നു. 

എ.ജി.നൂറാനിക്കും അരുന്ധതി റോയിക്കും പുറമേ  വിക്ടോറിയ ഷോഫീല്‍ഡ്, സുമന്ത്ര ബോസ്, ക്രിസ്റ്റഫര്‍ സ്‌നെഡന്‍ എന്നിവരാണ് നിരോധിക്കപ്പെട്ട പുസ്തകങ്ങളുടെ രചയിതാക്കളില്‍ ചിലര്‍.

അരുന്ധതി റോയിയുടെ 'ആസാദി' എന്ന പുസ്തകമാണ് നിരോധിച്ചത്. ഇന്ത്യയിലെ പ്രമുഖ ഭരണഘടനാ വിദഗ്ധനായിരുന്ന എ.ജി.നൂറാനിയുടെ കശ്മീരിനെക്കുറിച്ചും ഇന്ത്യന്‍ യൂണിയനുമായുള്ള ഭരണഘടനാപരമായ ബന്ധത്തെക്കുറിച്ചും എഴുതിയ 'ദ് കശ്മീര്‍ ഡിസ്പ്യൂട്ട് 1947-2012' എന്ന പുസ്തകമാണ് നിരോധിച്ചത്.

ALSO READ: 'തെരഞ്ഞെടുപ്പ് കമ്മീഷന്‍ ബി.ജെ.പിക്കൊപ്പം ചേര്‍ന്ന് വോട്ടു മോഷ്ടിച്ചു' തെളിവുകള്‍ നിരത്തി രാഹുല്‍; മഹാരാഷ്ട്രയില്‍ 40 ലക്ഷം വ്യാജവോട്ട്, കര്‍ണാടകയിലും ക്രമക്കേട് 

ബ്രിട്ടിഷ് എഴുത്തുകാരിയും ചരിത്രകാരിയുമായ വിക്ടോറിയ ഷോഫീല്‍ഡിന്റെ 'കശ്മീര്‍ ഇന്‍ കോണ്‍ഫ്‌ലിക്റ്റ് - ഇന്ത്യ, പാക്കിസ്ഥാന്‍ ആന്‍ഡ് ദി അണ്‍എന്‍ഡിങ് വാര്‍' എന്ന പുസ്തകമാണ് നിരോധിച്ചത്.

The Jammu & Kashmir Home Department has banned 25 books, including works by Arundhati Roy and A.G. Noorani, citing threats to national security. Following orders from the Lieutenant Governor, the publication and distribution of these books have been fully prohibited.