ജർമനിയുടെ ഇതിഹാസ താരം തോമസ് മുള്ളറെ സ്വന്തമാക്കി മേജർ ലീഗ് സോക്കർ ക്ലബായ വാൻകൂവർ വൈറ്റ്‌ക്യാപ്‌സ്. ബയേൺ മ്യൂണിക്കിനൊപ്പമുള്ള നീണ്ട വർഷത്തെ പോരാട്ടത്തിന്റെ അധ്യായങ്ങൾക്ക് വിരാമമിട്ട് ഈ സീസണിലാണ് മുള്ളർ ടീം വിട്ടത്. 2025 എംഎൽഎസ് സീസൺ മുതൽ 2026 സീസൺ വരെ മുള്ളർ വാൻകൂവർ വൈറ്റ്‌ക്യാപ്‌സിനായി കളിക്കും. 

ഇതോടെ അർജന്റൈൻ ഇതിഹാസം ലയണൽ മെസിക്കെതിരെ മുള്ളർ വീണ്ടും കളിക്കുന്നത് ഫുട്ബോൾ ആരാധകർക്ക് കാണാൻ സാധിക്കും. ദേശിയ തലത്തിലും ക്ലബ് തലത്തിലും മെസിക്കെതിരെ പല മത്സരങ്ങളിലും മുള്ളർ വിജയം സ്വന്തമാക്കിയിട്ടുണ്ട്. ഇത് മേജർ ലീഗ് സോക്കറിലും അവർത്തിക്കുമോയെന്നും കണ്ടുതന്നെ അറിയണം. 

ബയേൺ മ്യൂണിക്കിനായി ജർമൻ ക്ലബ്ബിനൊപ്പമുള്ള നീണ്ട 16 വർഷത്തെ ഫുട്ബോൾ യാത്രക്ക് അവസാനമിട്ടാണ് മുള്ളർ അമേരിക്കൻ മണ്ണിലേക്ക് ചേക്കേറിയത്. ബയേൺ മ്യൂണിക്കിനായി 750 മത്സരങ്ങളിൽ ബൂട്ട് കെട്ടിയ മുള്ളർ 248 ഗോളുകളും 222 അസിസ്റ്റുകളും ആണ്  സ്വന്തമാക്കിയിട്ടുള്ളത്.

 മുള്ളർ ജർമൻ ക്ലബിനൊപ്പം ഒരുപിടി കിരീടങ്ങളും സ്വന്തമാക്കിയിട്ടുണ്ട്. 13 ബുണ്ടസ്ലിഗ കിരീടങ്ങളും രണ്ട് യുവേഫ ചാമ്പ്യൻസ് ലീഗ് കിരീടങ്ങൾ ഉളപ്പടെ 33 കിരീടങ്ങൾ മുള്ളർ നേടിയിട്ടുണ്ട്. എട്ട് ഡിഎഫ്എൽ സൂപ്പർകപ്പ്, ആറ് ഡിഎഫ്എൽ കപ്പ്, രണ്ട് വീതം യുവേഫ സൂപ്പർ കപ്പ്,  ഫിഫ ക്ലബ് ലോകകപ്പ്  എന്നീ കിരീടങ്ങളാണ് താരം നേടിയിട്ടുള്ളത്. 

The Vancouver Whitecaps have signed German legend Thomas Muller to Major League Soccer Muller left the team this season after ending his stint with Bayern Munich Muller will play for the Vancouver Whitecaps until the 2026 season