വെറും 5 മിനിറ്റില്‍ പെട്ടെന്നു ഉണ്ടാക്കിയെടുക്കാവുന്ന രുചികരമായ വിഭവമാണിത്. പ്രത്യേകിച്ച് കുട്ടികള്‍ക്ക്. എത്ര കൊടുത്താലും മതിയാവില്ല. രണ്ടും ബ്രഡും  ഒരു മുട്ടയുമുണ്ടെങ്കില്‍ തന്നെ ഇതുണ്ടാക്കാവുന്നതാണ്. 

മുട്ട -2
ബ്രഡ് -2
ചീസ് - 2 ഷീറ്റ്
കെച്ചപ്പ്- ഒരു പാക്കറ്റ്

ഉണ്ടാക്കുന്ന വിധം

ആദ്യം മുട്ട പുഴുങ്ങിയെടുത്ത് വട്ടത്തില്‍ അരിഞ്ഞു വയ്ക്കുക. ഒരു പാന്‍ അടുപ്പത്ത് വച്ച് അതിലേക്ക് നെയ്യോ ബട്ടറോ ഏതാണ് ഇഷ്ടം അതുമിട്ട് ബ്രഡ് ഒന്നു തിരിച്ചും മറിച്ചുമിട്ട് വഴറ്റി എടുക്കുക. അതിനു മുകളിലേക്ക് കെച്ചപ്പ് ഒന്നു സ്പ്രഡ് ചെയ്തു കൊടുക്കുക.

ALSO READ: റാഗി കോക്കനട്ട് ലഡു .... ഹെല്‍തി ആന്റ് ടേസ്റ്റി

അതിനു മുകളില്‍ ചീസ് സ്ലൈസ് ചെയ്തതും കൂടെ വച്ച് കൊടുത്ത് എരിവ് വേണമെങ്കില്‍ ചില്ലി ഫ്‌ലേക്‌സ് കൂടെ ചേര്‍ക്കാവുന്നതാണ്. അതിനു മുകളിലേക്ക് മുട്ട റൗണ്ടായി കട്ട് ചെയ്തത് വച്ചു കൊടുക്കുക. അതിനുമുകളിലേക്ക് കുറച്ചു കുരുമുളകു പൊടിയും കൂടെ വിതറി അടച്ചു വയ്ക്കുക. രണ്ടു മിനിറ്റ് കഴിഞ്ഞാല്‍ തീ ഓഫ് ചെയ്തു കഴിക്കാവുന്നതാണ്. അടിപൊളി രുചിയില്‍ സ്‌നാക് റെഡി.   

Even with just bread and an egg, you can whip up this delicious snack in just 5 minutes. Perfect for tiffin, a quick breakfast, or evening hunger pangs.