മാനുവൽ ഗിയർബോക്സോ ഓട്ടോമാറ്റിക്കോ എന്ന ചർച്ച ഇന്ത്യൻ വാഹനപ്രേമികൾക്കിടയിൽ എന്നും ചൂടേറിയ വിഷയമാണ്. മാനുവൽ കാറുകൾ ഡ്രൈവിംഗിന്റെ ആനന്ദം നൽകുമെന്ന് ഒരു വിഭാഗം വാദിക്കുമ്പോൾ, ദീർഘദൂര യാത്രകളിലും തിരക്കേറിയ ട്രാഫിക്കിലും ഓട്ടോമാറ്റിക് കാറുകളാണ് സൗകര്യപ്രദമെന്ന് മറ്റൊരു വിഭാഗം ചൂണ്ടിക്കാട്ടുന്നു. സുഖകരവും എളുപ്പവുമായ ഡ്രൈവിംഗ് അനുഭവം കാരണം ഓട്ടോമാറ്റിക് കാറുകൾക്ക് ഇന്ത്യയിൽ ആവശ്യക്കാർ വർധിച്ചുവരികയാണ്. 10 ലക്ഷം രൂപയ്ക്ക് താഴെ വിലയിൽ ലഭ്യമായ മികച്ച അഞ്ച് ഓട്ടോമാറ്റിക് കാറുകൾ പരിചയപ്പെടാം.

ALSO READ: അടിയന്തര ലാൻഡിങ്: തിരുവനന്തപുരം-ഡൽഹി വിമാനം ചെന്നൈയിൽ ഇറക്കി; കേരളത്തിൽ നിന്നുള്ള നാല് എംപിമാർ വിമാനത്തിൽ

1. മാരുതി സുസുക്കി സ്വിഫ്റ്റ്

ഇന്ത്യയിലെ ഏറ്റവും ജനപ്രിയ ഹാച്ച്ബാക്കുകളിൽ ഒന്നാണ് മാരുതി സുസുക്കി സ്വിഫ്റ്റ്. 5-സ്പീഡ് മാനുവലിനൊപ്പം 5-സ്പീഡ് എഎംടി (ഓട്ടോമേറ്റഡ് മാനുവൽ ട്രാൻസ്മിഷൻ) ഗിയർബോക്സും ഈ മോഡലിൽ ലഭ്യമാണ്. 2024-ൽ പുറത്തിറങ്ങിയ സ്വിഫ്റ്റിന്റെ ഫെയ്സ്‌ലിഫ്റ്റ് പതിപ്പിൽ 1.2 ലിറ്റർ Z-സീരീസ് പെട്രോൾ എൻജിൻ ഉൾപ്പെടുത്തിയിട്ടുണ്ട്. ഈ എൻജിൻ ലിറ്ററിന് 25.75 കിലോമീറ്റർ മൈലേജ് വാഗ്ദാനം ചെയ്യുന്നു. സിഎൻജി പതിപ്പിന് കിലോഗ്രാമിന് 30 കിലോമീറ്ററിലേറെ മൈലേജ് ലഭിക്കും. എല്ലാ വേരിയന്റുകളിലും 6 എയർബാഗുകൾ, മികച്ച സുരക്ഷ ഉറപ്പാക്കുന്നു.

വില: 6.49 ലക്ഷം മുതൽ 9.50 ലക്ഷം രൂപ വരെയാണ് സ്വിഫ്റ്റിന്റെ എക്സ്-ഷോറൂം വില.

ALSO READ: ഓഗസ്റ്റ് 15ന് എല്ലാ ഇറച്ചി കടകളും അടച്ചിടണമെന്ന് മഹാരാഷ്ട്ര മുനിസിപ്പാലിറ്റി; മട്ടൺ വിളമ്പി പ്രതിഷേധിക്കുമെന്ന് എൻസിപി

2. ടാറ്റ പഞ്ച്

ടാറ്റയുടെ മൈക്രോ എസ്‌യുവി മോഡലായ പഞ്ച്, ഇന്ത്യയിൽ ഏറെ വിറ്റഴിക്കപ്പെടുന്ന വാഹനങ്ങളിൽ ഒന്നാണ്. പെട്രോൾ, സിഎൻജി, ഇലക്ട്രിക് വേരിയന്റുകളിൽ ലഭ്യമാണെങ്കിലും, പെട്രോൾ പതിപ്പിൽ 5-സ്പീഡ് മാനുവലിനൊപ്പം 5-സ്പീഡ് എഎംടി ഓട്ടോമാറ്റിക് ഓപ്ഷനും ലഭിക്കും. സിഎൻജി പതിപ്പ് മാനുവൽ ഗിയർബോക്സിൽ മാത്രമാണ് വരുന്നത്. പെട്രോൾ ഓട്ടോമാറ്റിക്കിന് ലിറ്ററിന് 18.8 കിലോമീറ്റർ മൈലേജ് ലഭിക്കും.

വില: 6.20 ലക്ഷം മുതൽ 10.17 ലക്ഷം രൂപ വരെയാണ് പഞ്ചിന്റെ എക്സ്-ഷോറൂം വില. പഞ്ചിന്റെ ഫെയ്സ്‌ലിഫ്റ്റ് പതിപ്പ് ഉടൻ വിപണിയിലെത്തും.

ALSO READ: 33 കിലോമീറ്റർ മൈലേജ്: എന്നിട്ടും മാരുതിയുടെ ഈ മോഡലിന്റെ വില്പന കുറഞ്ഞു; പുതിയ എഞ്ചിനിലേക്കുള്ള മാറ്റമാണോ കാരണം?

3. ഹ്യുണ്ടായി എക്സ്റ്റർ

മൈക്രോ എസ്‌യുവി വിഭാഗത്തിൽ ടാറ്റ പഞ്ചിന്റെ എതിരാളിയാണ് ഹ്യുണ്ടായി എക്സ്റ്റർ. 5-സ്പീഡ് മാനുവൽ, എഎംടി ട്രാൻസ്മിഷനും ലഭ്യമാണ്. എന്നാൽ സിഎൻജി വേരിയന്റ് മാനുവൽ ഗിയർബോക്സിൽ മാത്രമാണ് ലഭ്യമാകുന്നത്. ചെറിയ വലിപ്പമാണെങ്കിലും, ആധുനിക സാങ്കേതികവിദ്യയും യാത്രാസുഖവും എക്സ്റ്ററിനെ മികച്ച തിരഞ്ഞെടുപ്പാക്കുന്നു.

വില: 6.21 ലക്ഷം രൂപ മുതൽ (എക്സ്-ഷോറൂം).

ALSO READ: പാലക്കാട് മാല മോഷണക്കേസിൽ സർക്കാർ ഉദ്യോഗസ്ഥൻ അറസ്റ്റിൽ; കടം തീർക്കാനാണ് മോഷണം നടത്തിയെന്ന് മൊഴി

4. ഹോണ്ട അമേസ്

ഹോണ്ടയുടെ ജനപ്രിയ സെഡാൻ മോഡലാണ് അമേസ്. മികച്ച ഹാൻഡ്‌ലിംഗാണ് ഇതിന്റെ പ്രധാന ആകർഷണം. 1.2 ലിറ്റർ പെട്രോൾ എൻജിനോടുകൂടിയ ഈ കാർ, മാനുവലിനൊപ്പം ലിറ്ററിന് 18.65 കിലോമീറ്റർ മൈലേജും, സിവിടി ഓട്ടോമാറ്റിക്കിനൊപ്പം 19.46 കിലോമീറ്റർ മൈലേജും വാഗ്ദാനം ചെയ്യുന്നു.

വില: 7.20 ലക്ഷം രൂപ മുതൽ (എക്സ്-ഷോറൂം). 

5. ഹ്യുണ്ടായി i20

പ്രീമിയം ഹാച്ച്ബാക്ക് വിഭാഗത്തിൽ ഹ്യുണ്ടായി i20 ശ്രദ്ധേയമാണ്. സ്റ്റൈലിഷ് ഡിസൈനും 5-സ്പീഡ് മാനുവലിനൊപ്പം 7-സ്പീഡ് ഡിസിടി, ഐവിടി ഓട്ടോമാറ്റിക് ട്രാൻസ്മിഷൻ ഓപ്ഷനുകളും ഇതിനെ ആകർഷകമാക്കുന്നു. വേരിയന്റിനെ ആശ്രയിച്ച് ലിറ്ററിന് 16 മുതൽ 20 കിലോമീറ്റർ വരെ മൈലേജ് ലഭിക്കും.

വില: 7.04 ലക്ഷം രൂപ മുതൽ (എക്സ്-ഷോറൂം).

ALSO READ: എല്ലാവർക്കും എംജി വിൻഡ്‌സർ ഇവിയെ മതി: ഇനി സ്വന്തമാക്കാൻ കൂടുതൽ മുടക്കണം

നഗരത്തിന്റെ തിരക്കിലും ദീർഘദൂര യാത്രകളിലും സുഖകരമായ ഡ്രൈവിംഗ് അനുഭവം തേടുന്നവർക്ക് ഓട്ടോമാറ്റിക് കാറുകൾ മികച്ച തിരഞ്ഞെടുപ്പാണ്. 10 ലക്ഷം രൂപയ്ക്ക് താഴെ വിലയിൽ ലഭ്യമായ ഈ അഞ്ച് മോഡലുകൾ ​ഗിയർ മാറ്റി മടുത്തവർക്ക് മികച്ച ഓപ്ഷൻ കൂടിയായിരിക്കും

 

Discover the top 5 automatic cars under ₹10 lakh in India, perfect for those seeking convenience and comfort without breaking the bank. From stylish hatchbacks to compact SUVs, these models offer smooth driving, modern features, and great value for money. automatic cars.maruthi suzuki. hyundai.honda. under 10 lakhs.