കുവൈത്ത് സിറ്റി: അപേക്ഷകര്‍ നിര്‍ദ്ദിഷ്ട വ്യവസ്ഥകള്‍ പാലിക്കുന്നുണ്ടെങ്കില്‍ എല്ലാ രാജ്യക്കാര്‍ക്കും ടൂറിസ്റ്റ് വിസകള്‍ അനുവദിക്കുമെന്ന് കുവൈത്ത് ആഭ്യന്തര മന്ത്രാലയം. അംഗീകൃത രാജ്യങ്ങളുടെയും യോഗ്യതയുള്ള തൊഴിലുകളുടെയും പട്ടിക ആഗോള സൂചകങ്ങള്‍ക്ക് അനുസൃതമായി ഇടയ്ക്കിടെ അവലോകനം ചെയ്യും.

ALSO READ: സ്വാതന്ത്ര്യ ദിനം; ഓഗസ്റ്റ് 15ന് ബുർജ് ഖലീഫ ഇന്ത്യൻ ത്രിവർണ പതാകയുടെ നിറങ്ങളിൽ തിളങ്ങും 

കുവൈത്തിലേക്ക് കൂടുതല്‍ സന്ദര്‍ശകരെ ആകര്‍ഷിക്കുന്നതിനും ഇവര്‍ക്ക് മികച്ച ടൂറിസം അനുഭവം നല്‍കുന്നതിനുമാണ് ഈ നീക്കമെന്ന് മന്ത്രാലയത്തിലെ റെസിഡന്‍സി അഫയേഴ്‌സ് സെക്ടറില്‍ നിന്നുള്ള കേണല്‍ അബ്ദുല്‍ അസീസ് അല്‍കന്ദരി പറഞ്ഞു. ടൂറിസ്റ്റ് വിസയ്ക്ക് യോഗ്യമായ നാല് വിഭാഗങ്ങളുണ്ടെന്ന് അദ്ദേഹം വിശദീകരിച്ചു. ഓരോന്നിനും ഒന്നിലധികം ഓപ്ഷനുകളും നിര്‍ദ്ദിഷ്ട വ്യവസ്ഥകളുമുണ്ട്.

ഫാമിലി വിസിറ്റ് വിസകളില്‍, മുമ്പ് ആവശ്യമായ മിനിമം ശമ്പള വ്യവസ്ഥയില്ലാതെ പ്രവാസികള്‍ക്ക് ഇപ്പോള്‍ അവരുടെ കുടുംബാംഗങ്ങളെ കുവൈത്തിലേക്ക് കൊണ്ടുവരാന്‍ കഴിയുമെന്ന് അല്‍കന്ദരി വ്യക്തമാക്കി. അപേക്ഷകന്റെ പങ്കാളിയേയും കുട്ടികളെയും കൂടാതെ മറ്റു കുടുംബാംഗങ്ങളെയും കൊണ്ടുവരാമെന്ന് അധികൃതര്‍ സൂചിപ്പിച്ചു.

ALSO READ: തട്ടിപ്പുകളൊന്നും ഇനി വിലപ്പോവില്ല; ഗതാഗതം നിരീക്ഷിക്കാൻ സ്മാർട്ട് ഡിജിറ്റൽ സംവിധാനവുമായി ദുബൈ ആർടിഎ 

മുന്‍ സംവിധാനത്തില്‍ നിന്ന് വ്യത്യസ്തമായി, പുതുക്കിയ പ്രക്രിയയില്‍ സന്ദര്‍ശകര്‍ക്ക് ഇനി കുവൈത്തിന്റെ ദേശീയ വിമാനക്കമ്പനി വഴി യാത്ര ചെയ്യേണ്ടതില്ലെന്നും അദ്ദേഹം എടുത്തുപറഞ്ഞു. കൂടാതെ, ജനറല്‍ അഡ്മിനിസ്‌ട്രേഷന്‍ ഓഫ് ഇന്‍ഫര്‍മേഷന്‍ സിസ്റ്റംസുമായി സഹകരിച്ച് വികസിപ്പിച്ചെടുത്ത 'കുവൈത്ത് വിസ' പ്ലാറ്റ്‌ഫോമിന്റെ സമാരംഭത്തിലൂടെ വിസ അപേക്ഷാ പ്രക്രിയ പൂര്‍ണ്ണമായും ഡിജിറ്റല്‍ പരിവര്‍ത്തനത്തിന് വിധേയമാക്കി.

kuwait has scrapped the minimum salary requirement for family visit visas, making it easier for expatriates to bring relatives. the decision is expected to benefit thousands of foreign workers in the country.