കൊച്ചി: തൃക്കാക്കരയിലെ കൊച്ചിൻ പബ്ലിക് സ്കൂളിൽ അഞ്ചാം ക്ലാസ് വിദ്യാർത്ഥിയെ വൈകി എത്തിയതിന്റെ പേര് പറഞ്ഞ് ശിക്ഷിച്ച സംഭവത്തിൽ സ്കൂൾ അധികൃതർക്കെതിരെ കർശന നടപടി സ്വീകരിക്കുമെന്ന് വിദ്യാഭ്യാസ മന്ത്രി വി. ശിവൻകുട്ടി വ്യക്തമാക്കി. സംഭവത്തെക്കുറിച്ചുള്ള റിപ്പോർട്ട് ലഭിച്ചാലുടൻ നടപടികൾ ആരംഭിക്കുമെന്നും, കുട്ടിക്ക് ട്രാൻസ്ഫർ സർട്ടിഫിക്കറ്റ് (ടിസി) വാങ്ങേണ്ട ആവശ്യമില്ലെന്നും മന്ത്രി അറിയിച്ചു.

വൈകി എത്തിയതിന്റെ പേര് പറഞ്ഞ് വിദ്യാർത്ഥിയെ ഇരുട്ടുമുറിയിൽ ഒറ്റയ്ക്ക് ഇരുത്തുകയും സ്കൂളിനുള്ളിൽ ഓടിക്കുകയും ചെയ്തതായാണ് റിപ്പോർട്ട്. കുട്ടിയുടെ പിതാവുമായി മന്ത്രി നേരിട്ട് സംസാരിച്ചതായും, സ്കൂൾ അധികൃതർ കുട്ടിയോട് ടിസി വാങ്ങി പോകാൻ ആവശ്യപ്പെട്ടതായി രക്ഷിതാവ് അറിയിച്ചതായും മന്ത്രി വെളിപ്പെടുത്തി.

"കേരളത്തിന്റെ വിദ്യാഭ്യാസ സംവിധാനത്തിന് അനുയോജ്യമല്ലാത്ത ശിക്ഷാരീതികൾ ഒരു തരത്തിലും അനുവദിക്കില്ല. സംഭവത്തെക്കുറിച്ചുള്ള റിപ്പോർട്ട് ലഭിച്ചാൽ ഒരു വിട്ടുവീഴ്ചയും കൂടാതെ നടപടി എടുക്കും," മന്ത്രി ശിവൻകുട്ടി ഉറപ്പ് നൽകി. കുട്ടിക്ക് ടിസി വാങ്ങേണ്ട ആവശ്യമില്ലെന്നും, അവന് അതേ സ്കൂളിൽ തുടർന്ന് പഠിക്കാമെന്നും മന്ത്രി കൂട്ടിച്ചേർത്തു.

In Thrikkakara, Ernakulam, parents of a fifth-grade student at Cochin Public School alleged their child was forced to run around the school grounds and sit alone in a dark room as punishment for arriving five minutes late. Kerala Education Minister V. Sivankutty condemned the incident, stating that no one has the right to punish children unnecessarily. He warned that strict action would be taken against the school authorities if a formal report is received, and the child should not be forced to buy a Transfer Certificate (TC).