കൊച്ചി: താരസംഘടന അമ്മയുടെ ഭരണസമിതി തെരഞ്ഞെടുപ്പ് ഇന്ന് 
രാവിലെ 10 മണി മുതല്‍ ഒരു മണി വരെ ലുലു മാരിയറ്റ് ഹോട്ടലില്‍ നടക്കും. ഇന്ന് വൈകിട്ടോടെ ഫലപ്രഖ്യാപനവും ഉണ്ടാവും. ജനറല്‍ ബോഡിയിലെ 507 അംഗങ്ങള്‍ക്കാണ് വോട്ട് ചെയ്യാനുള്ള അവകാശം. ഇതില്‍ 233 പേര്‍ വനിതകളുമാണ്. പ്രസിഡന്റ് സ്ഥാനത്തേക്ക് ദേവനും ശ്വേത മേനോനും തമ്മിലാണ് മല്‍സരം. ജനറല്‍ സെക്രട്ടറി സ്ഥാനത്തേക്ക് രവീന്ദ്രന്‍, കുക്കു പരമേശ്വരന്‍ എന്നിവരും മത്സരിക്കുന്നു.

 എക്സിക്യൂട്ടീവ് കമ്മറ്റി അടക്കം മറ്റു പ്രധാന സ്ഥാനങ്ങളിലേക്കും ഇന്ന് അംഗങ്ങളെ തെരഞ്ഞെടുക്കുന്നതാണ്.

നേരത്തെ ജോ. സെക്രട്ടറി സ്ഥാനത്തേക്ക് അന്‍സിബ എതിരില്ലാതെ തെരഞ്ഞടുക്കപ്പെട്ടിട്ടുണ്ട്്. മമ്മൂട്ടി തെരഞ്ഞെടുപ്പില്‍ വോട്ട് ചെയ്യില്ലെന്നാണ് വിവരം. ഏറെ വിവാദമായ തെരഞ്ഞെടുപ്പില്‍ യുവതാരങ്ങള്‍ ഉള്‍പ്പെടെ ആരെല്ലാം വോട്ടെടുപ്പിന് എത്തുമെന്നതിലും ആകാംക്ഷയുണ്ട്.

സിനിമാ മേഖലയെ ആകെ നാണം കെടുത്തിയ വിവാദമായ വെളിപ്പെടുത്തലുകളോടെ ഹേമ കമ്മിറ്റി റിപോര്‍ട്ട് പുറത്ത് വന്നതിന് ശേഷം പിടിച്ചുനില്‍ക്കാനാകാതെയാണ് കഴിഞ്ഞ ഓഗസ്റ്റ് 27ന് മോഹന്‍ലാല്‍ നേതൃത്വം നല്‍കുന്ന 'അമ്മ'യുടെ ഭരണസമിതി രാജിവച്ചൊഴിഞ്ഞത്.

അതിന് ശേഷം അഡ്‌ഹോക്ക് കമ്മിറ്റി ഭരണം ഏറ്റെടുത്തെങ്കിലും വിവാദങ്ങള്‍ക്ക് പഞ്ഞമുണ്ടായിരുന്നില്ല.  ആരോപണവിധേയര്‍ മാറി നില്‍ക്കണമെന്നുകൂടെ വന്നപ്പോള്‍ പലര്‍ക്കും മത്സരിക്കാന്‍ കഴിയാതെയും വന്നു.

അതിനിടെ മത്സര രംഗത്തുള്ള സ്ത്രീകള്‍ക്കെതിരെയും ആരോപണങ്ങളുയര്‍ന്നു. കുക്കു പരമേശ്വരനെതിരെ മെമ്മറി കാര്‍ഡ് വിവാദമാണ് സിനിമാ മേഖലയിലെ സ്ത്രീകള്‍ തന്നെ ഉയര്‍ത്തിയത്.

തങ്ങള്‍ നേരിട്ട പ്രശ്‌നങ്ങള്‍ തുറന്ന് പറഞ്ഞ ദൃശ്യങ്ങള്‍ ഉള്‍പ്പെട്ട മെമ്മറി കാര്‍ഡ് കുക്കു പരമേശ്വരന്റെ കൈവശമുണ്ടെന്നായിരുന്നു പൊന്നമ്മ ബാബു അടക്കമുള്ള നടിമാര്‍ ഉയര്‍ത്തിയ ആരോപണം. ശ്വേതാ മേനോനെതിരെ സാമ്പത്തിക ലാഭത്തിന് വേണ്ടി അശ്ലീല രംഗങ്ങളില്‍ അഭിനയിച്ചെന്ന പേരില്‍ കേസുകളമുണ്ടായി. 

The AMMA Executive Committee election is being held today from 10 AM to 1 PM at Lulu Marriott Hotel, with results expected this evening. Out of 507 eligible voters (233 women), Devan and Shwetha Menon are contesting for President, while Ravindran and Kuku Parameswaran are competing for General Secretary.