ലഖ്നൗ: ഉത്തർപ്രദേശ് നിയമസഭയുടെ വർഷകാല സമ്മേളനത്തിനിടെ പരസ്പരം ഏറ്റുമുട്ടി ബിജെപി എംഎൽഎമാർ. എംഎൽഎമാർ തമ്മിൽ ഉണ്ടായ രൂക്ഷമായ വാക്കേറ്റത്തിന്റെ വീഡിയോ സമൂഹമാധ്യമങ്ങളിൽ വൈറലാണ്. 'വിഷൻ 2047' എന്ന വിഷയത്തിൽ ബുധനാഴ്ച നടന്ന ചർച്ചയ്ക്കിടെ മഥുരയിൽ നിന്നുള്ള ബിജെപി എംഎൽഎ രാജേഷ് ചൗധരിയും വാരണാസിയിൽ നിന്നുള്ള സൗരഭ് ശ്രീവാസ്തവയും തമ്മിലാണ് രൂക്ഷമായ വാക്കേറ്റം ഉണ്ടായത്.

ALSO READ: ഗാന്ധിജിയെ കൊന്ന ഗോഡ്‌സെ കൊടിയ തീവ്രവാദി: ഉമാ ഭാരതി 

നിയമസഭയിൽ ഭരണപക്ഷത്തിന് വേണ്ടി ആര് സംസാരിക്കണമെന്ന തീരുമാനത്തിനിടെയാണ് തർക്കമുണ്ടായത്. സൗരഭ് ശ്രീവാസ്തവ തന്റെ പേര് സ്പീക്കർക്ക് നൽകുന്നില്ലെന്ന് ചൗധരി ആരോപിച്ചതായി റിപ്പോർട്ടുകൾ പറയുന്നു. വാഗ്വാദം മുറുകിയപ്പോൾ, ശ്രീവാസ്തവയ്ക്ക് നേരെ കുതി പാഞ്ഞടുക്കാൻ ശ്രമിച്ച ചൗധരിയെ മറ്റ് എംഎൽഎമാർ തടയുന്ന ദൃശ്യങ്ങളും വീഡിയോയിൽ കാണാം.

बदसलूकी और बदज़ुबानी ही भाजपा में तरक़्की की सीढ़ी है।

निंदनीय! pic.twitter.com/uUxQd61sGc

— Akhilesh Yadav (@yadavakhilesh) August 14, 2025

സമാജ്‌വാദി പാർട്ടി അധ്യക്ഷൻ അഖിലേഷ് യാദവ് ഈ വീഡിയോ തന്റെ ഔദ്യോഗിക എക്സ് അക്കൗണ്ടിൽ പങ്കുവെച്ച് ബിജെപിയെ പരിഹസിച്ചു. "പരുഷമായ പെരുമാറ്റവും അസഭ്യമായ ഭാഷയും ഉപയോഗിക്കുന്ന നേതാക്കളെ ബിജെപി പ്രോത്സാഹിപ്പിക്കുന്നു," അദ്ദേഹം കുറ്റപ്പെടുത്തി.

ALSO READ: 79-ാം സ്വാതന്ത്ര്യ ദിനാഘോഷ നിറവിൽ രാജ്യം: സംസ്ഥാനത്തും വർണാഭമായ ആഘോഷങ്ങൾ 

ബുധനാഴ്ച രാത്രിയിൽ യുപി നിയമസഭയിൽ സർക്കാരിന്റെ 'വിഷൻ ഡോക്യുമെന്റ് 2047' ചർച്ച ചെയ്യുന്നതിനിടെയാണ് സംഭവം നടന്നത്. സഭയിൽ ആരാണ് ആദ്യം പ്രസംഗിക്കേണ്ടതെന്ന് രാജേഷ് ചൗധരിയും സൗരഭ് ശ്രീവാസ്തവയും തമ്മിൽ തർക്കമുണ്ടാവുകയായിരുന്നു. ചർച്ച വളരെ  പെട്ടെന്ന് രൂക്ഷമായ തർക്കത്തിലേക്ക് വഴിമാറി. ഒടുവിൽ ഇരുവരും തമ്മിലുള്ള തർക്കം കയ്യാങ്കളിയുടെ വക്കിലെത്തി. എന്നാൽ മറ്റ് എംഎൽഎമാർ സമീപത്തിരുന്ന എം‌എൽ‌എമാർ ഇരുവരെയും എങ്ങനെയോ പിടിച്ചുമാറ്റി. 

A heated argument broke out between BJP MLAs in the Uttar Pradesh Assembly, prompting SP chief Akhilesh Yadav to ridicule the ruling party over the incident.