പാലക്കാട്: പാലക്കാട് ഒറ്റപ്പാലത്ത് മൂന്നു പശുക്കള്‍ക്കുനേരെ ആക്രമണം. പശുക്കളുടെ ജനനേന്ദ്രിയത്തിലടക്കം മുറിവേറ്റിട്ടുണ്ട്. ഒറ്റപ്പാലം വരോട് കോലോത്ത് പറമ്പ് കരിമ്പനതോട്ടത്തില്‍ ഹരിദാസന്റെ മൂന്ന് പശുക്കള്‍ക്ക് നേരെയാണ് ആക്രമണമുണ്ടായിരിക്കുന്നത്. ബുധനാഴ്ച ഉച്ചക്ക് രണ്ട് മണിയോടെയാണ് സംഭവം. സമീപത്തെ പറമ്പില്‍ മേയാന്‍ വിട്ട പശുക്കളെയാണ് ആക്രമിച്ചിരിക്കുന്നത്.

ഉച്ചക്ക് രണ്ട് മണിക്ക് ഭക്ഷണം കഴിക്കാന്‍ വീട്ടിലേക്ക് വന്ന ഹരിദാസന്‍ തിരിച്ച് പശുക്കളുടെ അടുത്ത് പോയപ്പോ പശുക്കള കാണാനില്ല. തുടര്‍ന്ന് നടന്ന അന്വേഷണത്തില്‍ പറമ്പിന് സമീപത്തെ തേക്കില്‍ കെട്ടിയിട്ട നിലയില്‍ ഒരു പശുവിനെ കണ്ടെത്തി. മറ്റൊരു പശുവിനെ സമീപത്തെ കാട്ടില്‍ നിന്നും കണ്ടെത്തി. മറ്റേ പശു കയര്‍പ്പൊട്ടിച്ച് വീട്ടിലേക്ക് എത്തുകയും ചെയ്തു.

ALSO READ: സംസ്ഥാനത്ത് കൊടും കുറ്റവാളികള്‍ക്ക് സംരക്ഷണം കിട്ടുന്നുവെന്ന് സിപിഐ; കൊടി സുനിയെ പോലുള്ളവര്‍ക്ക് ജയില്‍ വിശ്രമ കേന്ദ്രം

എന്നാല്‍ തൊഴുത്തില്‍ കെട്ടിയ പശുക്കള്‍ എന്തിനാണ് പിടയുന്നത് എന്ന് ശ്രദ്ധിച്ചപ്പോഴാണ് മൂന്ന് പശുക്കളില്‍ നിന്ന് രക്തം വന്നതായും കണ്ടത്. തുടര്‍ന്ന് വെറ്ററിനറി ഡോക്ടറെ കൊണ്ടുവന്ന് പരിശോധിച്ചപ്പോള്‍ ആന്തരികാവയവങ്ങള്‍ക്ക് മുറിവുള്ളതായി കണ്ടെത്തി. പശുക്കള്‍ക്ക് ചികിത്സയും നല്‍കി. സംഭവത്തില്‍ ഹരിദാസന്‍ ഒറ്റപ്പാലം പൊലിസില്‍ പരാതി നല്‍കിയിട്ടുണ്ട്.

In Ottapalam, Palakkad, three cows belonging to Haridas were attacked, sustaining injuries including to their genital areas. The incident occurred around 2 PM on Wednesday in a sugarcane field at Koloth Parambu, Varode.