ചെന്നൈ: നാഗാലാന്റ് ഗവർണർ ലാ ഗണേശൻ (80) ചെന്നൈയിലെ സ്വകാര്യ ആശുപത്രിയിൽ വെള്ളിയാഴ്ച രാത്രി അന്തരിച്ചതായി രാജ്ഭവൻ അറിയിച്ചു. കഴിഞ്ഞ കുറച്ച് ദിവസങ്ങളായി ഐസിയുവിൽ ചികിത്സയിലായിരുന്നു അദ്ദേഹം. ഓഗസ്റ്റ് 8-ന് ചെന്നൈയിലെ വീട്ടിൽ കുഴഞ്ഞുവീണതിനെ തുടർന്ന് തലയ്ക്ക് പരുക്കേറ്റ ഗണേശനെ ആശുപത്രിയിൽ പ്രവേശിപ്പിക്കുകയായിരുന്നു. തീവ്രപരിചരണ വിഭാഗത്തിൽ ഡോക്ടർമാരുടെ നിരന്തര നിരീക്ഷണത്തിലായിരുന്നെങ്കിലും ജീവൻ രക്ഷിക്കാനായില്ല.

ALSO READ: ബംഗാളി മുസ്‌ലിംകളെ തടവിലാക്കൽ: കേന്ദ്രത്തിനും 9 സംസ്ഥാനങ്ങൾക്കും സുപ്രിംകോടതി നോട്ടിസ് 

2023 ഫെബ്രുവരി 12-ന് നാഗാലാന്റിന്റെ 21-ാമത് ഗവർണറായി നിയമിതനായ ഗണേശൻ, ഫെബ്രുവരി 20-നാണ് ചുമതലയേറ്റത്. ഗവർണറുടെ നിര്യാണത്തിൽ പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി. 

1945 ഫെബ്രുവരി 16-ന് തഞ്ചാവൂരിലാണ് ലാ ഗണേശൻ ജനിച്ചത്. 1970-ൽ ആർഎസ്എസിന്റെ മുഴുവൻ സമയ പ്രചാരകനായി മാറിയ ​ഗണേശൻ, ഏകദേശം 20 വർഷം നാഗർകോവിൽ, മധുര തുടങ്ങിയ സ്ഥലങ്ങളിൽ വിവിധ പദവികളിൽ സേവനമനുഷ്ഠിച്ചു. 1991-ൽ ബിജെപിയിൽ ചേർന്ന ഗണേശൻ, തമിഴ്നാട് യൂണിറ്റിന്റെ ഓർഗനൈസിംഗ് സെക്രട്ടറിയായി. പിന്നീട് രണ്ട് വർഷം ദേശീയ വൈസ് പ്രസിഡന്റായും പ്രവർത്തിച്ചു.

ALSO READ: ഗാന്ധിജിയെ കൊന്ന ഗോഡ്‌സെ കൊടിയ തീവ്രവാദി: ഉമാ ഭാരതി 

2006 മുതൽ 2009 വരെ തമിഴ്നാട് ബിജെപി പ്രസിഡന്റായിരുന്നു ഗണേശൻ. 2016-ൽ മധ്യപ്രദേശിൽ നിന്ന് രാജ്യസഭാംഗമായി തിരഞ്ഞെടുക്കപ്പെട്ട ​ഗണേശൻ, 2021 ഓഗസ്റ്റ് 27-ന് മണിപ്പൂർ ഗവർണറായി. 2022 ജൂലൈ മുതൽ നവംബർ വരെ പശ്ചിമ ബംഗാൾ ഗവർണറുടെ അധിക ചുമതലയും വഹിച്ചു. 2023 ഫെബ്രുവരി മുതൽ നാഗാലാൻഡിന്റെ 21-ാമത് ഗവർണറായി സേവനമനുഷ്ഠിച്ചു വരികയായിരുന്നു.

Nagaland Governor La Ganesan has passed away. Political leaders expressed condolences over his demise.