ഡൽഹി: നിസാമുദ്ദീൻ പ്രദേശത്ത് ഹുമയൂൺ ഖബറിടത്തിന് സമീപമുള്ള ദർഗയുടെ ഉൾഭിത്തി തകർന്നുവീണ് അഞ്ച് പേർ മരിച്ചു. ഡൽഹി ഫയർ സർവീസ് നൽകുന്ന വിവരമനുസരിച്ച്, അവശിഷ്ടങ്ങൾക്കിടയിൽ കുടുങ്ങിയ 10 പേരെ രക്ഷപ്പെടുത്തി. 

വൈകീട്ട് 4:30-ന് ഒരു താഴികക്കുടത്തിന്റെ ഭാഗം തകർന്നുവീണതായി ഡൽഹി ഫയർ സർവീസിന് വിവരം ലഭിച്ചതിനെ തുടർന്നാണ് സംഭവം പുറത്തറിഞ്ഞത്. എന്നാൽ, ഖബറിടത്തിന് പുറത്തുള്ള മറ്റൊരു കെട്ടിടത്തിന്റെ മേൽക്കൂര തകർന്നതാണ് അപകടത്തിന് കാരണമെന്ന് വൃത്തങ്ങൾ ഹിന്ദുസ്ഥാൻ ടൈംസിനോട് വ്യക്തമാക്കി.

ALSO READ: ബംഗാളി മുസ്‌ലിംകളെ തടവിലാക്കൽ: കേന്ദ്രത്തിനും 9 സംസ്ഥാനങ്ങൾക്കും സുപ്രിംകോടതി നോട്ടിസ് 

"ഞാൻ സംഭവസ്ഥലത്തിനടുത്ത് ജോലി ചെയ്യുകയായിരുന്നു. ഒരു വലിയ ശബ്ദം കേട്ടപ്പോൾ എന്റെ സൂപ്പർവൈസർ ഓടി വന്നു. ഞങ്ങൾ ഉടൻ തന്നെ ആളുകളെയും അധികൃതരെയും വിളിച്ചു. പതിയെ കുടുങ്ങിയവരെ പുറത്തെടുത്തു," ദൃക്സാക്ഷിയായ വിശാൽ കുമാർ പിടിഐ വാർത്താ ഏജൻസിയോട് പറഞ്ഞു.

സൗത്ത് ഈസ്റ്റ് ഡിസിപി ഹിന്ദുസ്ഥാൻ ടൈംസിനോട് സ്ഥിരീകരിച്ചതനുസരിച്ച്, തകർന്ന മേൽക്കൂരയുടെ അവശിഷ്ടങ്ങൾക്കിടയിൽ നിന്ന് 10  പേരെ രക്ഷപ്പെടുത്തി. "സ്റ്റേഷൻ ഹൗസ് ഓഫീസറും (എസ്എച്ച്ഒ) പ്രാദേശിക ജീവനക്കാരും അഞ്ച് മിനിറ്റിനുള്ളിൽ സ്ഥലത്തെത്തി രക്ഷാപ്രവർത്തനം ആരംഭിച്ചു. തുടർന്ന് ഫയർഫോഴ്സും സിഎടിഎസ് ആംബുലൻസുകളും എത്തി. പിന്നീട് ദേശീയ ദുരന്തനിവാരണ സേന (എൻഡിആർഎഫ്) രക്ഷാപ്രവർത്തനത്തിൽ പങ്കുചേർന്നു," ഡിസിപി വ്യക്തമാക്കി.

ALSO READ: ഗാന്ധിജിയെ കൊന്ന ഗോഡ്‌സെ കൊടിയ തീവ്രവാദി: ഉമാ ഭാരതി 

ഡൽഹി പൊലിസും അഗ്നിശമന സേനയും ചേർന്ന് നടത്തുന്ന രക്ഷാപ്രവർത്തനങ്ങൾ ഹുമയൂൺ ഖബറിട സമുച്ചയത്തിൽ തുടരുകയാണ്. സംഭവത്തിന്റെ കൂടുതൽ വിശദാംശങ്ങൾ അന്വേഷിച്ച് വരികയാണെന്ന് അധികൃതർ അറിയിച്ചു.

Five people died after a wall of a dargah near Humayun’s Tomb in Delhi collapsed.