തിരുവനന്തപുരം:  റോഡ് സുരക്ഷയുമായി ബന്ധപ്പെട്ട് വളരെയധികം ശ്രദ്ധിക്കേണ്ട കാര്യങ്ങളുണ്ട്. റോഡ് നിയമങ്ങളില്‍ എല്ലാവരും അഗ്രഗണ്യരാണെങ്കിലും ഇന്നും പലര്‍ക്കും കൃത്യമായി അറിയാത്ത രണ്ട് കാര്യങ്ങളാണ് സ്റ്റോപ്പിങ്ങും പാര്‍ക്കിങ്ങും.

എന്താണ് ഇവ രണ്ടും തമ്മിലുള്ള വ്യത്യാസം എന്ന് കൃത്യമായി പറഞ്ഞു തരികയാണ് എംവിഡി. ഫേസ്ബുക്കിലൂടെയാണ് എംവിഡി പൊതുജനങ്ങള്‍ക്ക് ഈ അറിവ് പകര്‍ന്നു നല്‍കിയിരിക്കുന്നത്.

എംവിഡിയുടെ ഫേസ്ബുക്ക് പോസ്റ്റിന്റെ പൂര്‍ണ രൂപം

സ്റ്റോപ്പിങ്: വളരെ കുറഞ്ഞ നേരത്തേക്ക് സ്വന്തമായോ അല്ലെങ്കില്‍ ആളുകളെ കയറ്റാനോ ഇറക്കാനോ സാധനങ്ങള്‍ പെട്ടെന്ന് കയറ്റാനോ ഇറക്കാനോ വാഹനം നിര്‍ത്തുന്നു എന്നാണ് സ്റ്റോപ്പിങ് എന്നത് കൊണ്ട് അര്‍ത്ഥമാക്കുന്നത്.

 

ALSO READ: ഒറ്റ ചാർജിൽ 130 കിലോമീറ്റർ വരെ: സ്‍മാർട്ട് ഫീച്ചറുകളും കുറഞ്ഞ വിലയും; ഒഡീസ് സൺ വിപണിയിൽ
താഴെ പറയുന്ന ഇടങ്ങളില്‍ ഒരു വാഹനം നിര്‍ത്തരുത്

1. റോഡ് ഇടുങ്ങിയതോ കാഴ്ച തടസ്സപ്പെടുത്തുന്നതോ ആയ സ്ഥലത്ത്.

2. ഒരു കൊടുംവളവിലോ അതിനടുത്തോ.

3. ഒരു ആക്‌സിലറേഷന്‍ ലയിനിലോ, ഡിസിലറേഷന്‍ ലയിനിലോ.

4. ഒരു പെഡസ്‌ട്രൈന്‍ ക്രോസിങ്ങിലും അതിനു മുന്‍പുള്ള 5 മീറ്ററിനുള്ളിലും.

5. ഒരു ലെവല്‍ ക്രോസിങ്ങില്‍.

6. ഒരു ട്രാഫിക് സിഗ്‌നല്‍ ലൈറ്റിനോ Give wayഅടയാളത്തിനോ Stop അടയാളത്തിനോ മുന്‍പുള്ള അഞ്ച് മീറ്റര്‍, അല്ലെങ്കില്‍ നിര്‍ത്തിയിട്ടിരിക്കുന്ന വാഹനം ഇത്തരം അടയാളങ്ങള്‍ മറ്റു വാഹനങ്ങള്‍ക്ക് കാണാത്ത തരത്തില്‍ മറയാവുന്നുവെങ്കില്‍.

7. ബസ് ഒഴികെയുള്ളവ ബസ് സ്റ്റാന്റുകളില്‍.

8. റോഡില്‍ മഞ്ഞ ബോക്‌സ് മാര്‍ക്കിങ് ചെയ്തിരിക്കുന്ന സ്ഥലത്ത്.

9. നിര്‍ബന്ധമായും പാലിക്കേണ്ട No Stopping അടയാളം കൊണ്ട് തടഞ്ഞിരിക്കുന്ന സ്ഥലത്ത്.

പാര്‍ക്കിങ്: വാഹനം പെട്ടെന്ന് ആളുകളേയോ ചരക്കോ കയറ്റുന്നതിനും ഇറക്കുന്നതിനും ഒഴിച്ചുള്ള ആവശ്യങ്ങള്‍ക്കായി നിര്‍ത്തുന്നതും, 3 മിനുട്ടില്‍ കൂടുതല്‍ ഒരു സ്ഥലത്ത് നിര്‍ത്തിയിടുക എന്നതും പാര്‍ക്കിങ്ങില്‍ ഉള്‍പെടും.

വാഹനത്തിന് Stopping അനുവദിക്കാത്ത ആദ്യം സൂചിപ്പിച്ച സ്ഥലങ്ങള്‍ കൂടാതെ താഴെ പറയുന്ന സ്ഥലങ്ങളില്‍ കൂടി പാര്‍ക്കിങ് അനുവദനിയമല്ല.

1. ഒരു മെയിന്‍ റോഡില്‍

2. നടപ്പാതയില്‍, സൈക്കിള്‍ ട്രാക്കില്‍, പെഡസ്‌ട്രൈന്‍ ക്രോസിങില്‍

3. ഇന്റര്‍ സെക്ഷന്‍, ജങ്ഷന്‍, കൂടാതെ ഇവയില്‍ നിന്ന് 50 മീറ്ററിനകത്ത്.

4. പാര്‍ക്കിങ് സ്ഥലത്തിന്റെ കവാടത്തില്‍.

5. ബസ് സ്റ്റോപ്പിനടുത്ത്, ആശുപത്രി, സ്‌കൂള്‍ എന്നിവയുടെ പ്രവേശനം ട്രാഫിക് അടയാളങ്ങള്‍ എന്നിവ തടസ്സപ്പെടുന്ന തരത്തില്‍.

6. ഒരു തുരങ്കത്തില്‍.

7. ബസ് ലൈനില്‍

8. ഒരു വസ്തുവിന്റെ പ്രവേശനത്തിലോ പുറത്തേക്കുള്ള വഴിയിലോ

9. തുടര്‍ച്ചയായി മഞ്ഞ വര റോഡിനു അരികില്‍ വരച്ച ഇടങ്ങളില്‍

10. പാര്‍ക്ക് ചെയ്ത വാഹനത്തിന് എതിരായി.

11. പാര്‍ക്ക് ചെയ്ത വാഹനത്തിന്റെ സമാന്തരമായി.

12. പാര്‍ക്ക് ചെയ്ത വാഹനത്തിന് തടസം സൃഷ്ടിക്കുന്ന തരത്തില്‍.

13. പാര്‍ക്കിങ്ങ് നിശ്ചിത സമയത്തേക്ക് അനുവദിച്ച സ്ഥലത്ത് ആ സമയത്തിനു ശേഷം.

14. മറ്റൊരു തരം വാഹനങ്ങള്‍ക്കായി മാറ്റി വച്ച സ്ഥലത്ത്.

15. ഭിന്നശേഷിക്കാര്‍ ഓടിക്കുന്ന വാഹനം പാര്‍ക്ക് ചെയ്യാന്‍ ഒരുക്കിയ സ്ഥലത്ത് അത്തരക്കാര്‍ അല്ലാത്തവര്‍.

16. No Parking അടയാളം വച്ച് നിരോധിച്ച സ്ഥലങ്ങളില്‍.

mvdkerala noparking- എംവിഡി കേരള ഫേസ്ബുക്ക് പോസ്റ്റ്

 

Difference Between Stopping and Parking (MVD Awareness)

The Kerala Motor Vehicles Department (MVD) has clarified the difference between stopping and parking through a Facebook post as part of road safety awareness.