കോഴിക്കോട്: താമരശ്ശേരിയിൽ നാലാം ക്ലാസുകാരിയുടെ മരണകാരണം അമീബിക് മസ്തിഷ്ക ജ്വരമെന്ന് പ്രാഥമിക പോസ്റ്റ്മോർട്ടം റിപ്പോർട്ടിൽ സ്ഥിരീകരണം. മരണത്തിൽ ചികിത്സ വൈകിയെന്നാരോപിച്ച് കുട്ടിയുടെ കുടുംബം താമരശ്ശേരി താലൂക്ക് ആശുപത്രിക്കെതിരെ പരാതി നൽകിയിട്ടിണ്ട്. സംഭവത്തിൽ താമരശ്ശേരി പൊലിസ് അസ്വാഭാവിക മരണത്തിന് കേസെടുത്തു.

ബുധനാഴ്ച സ്കൂൾ വിട്ടെത്തിയ കുട്ടിക്ക് പനി ലക്ഷണങ്ങൾ കണ്ടതിനെ തുടർന്ന് വ്യാഴാഴ്ച രാവിലെ 10.15-ന് താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു. മരുന്ന് നൽകിയെങ്കിലും വൈകിട്ട് മൂന്ന് മണിയോടെ കുട്ടിയുടെ ആരോഗ്യനില വഷളാവുകയായിരുന്നു. തുടർന്ന് കോഴിക്കോട് മെഡിക്കൽ കോളേജിലേക്ക് മാറ്റിയെങ്കിലും ജീവൻ രക്ഷിക്കാനായില്ല. കുട്ടിയെ വേണ്ടത്ര വേഗത്തിൽ മെഡിക്കൽ കോളേജിലേക്ക് മാറ്റിയില്ലെന്നാണ് കുടുംബത്തിന്റെ ആരോപണം. എന്നാൽ, ചികിത്സയിൽ വീഴ്ച വരുത്തിയിട്ടില്ലെന്ന് ആശുപത്രി അധികൃതർ വ്യക്തമാക്കി. കൂടുതൽ പരിശോധനയ്ക്കായി കുട്ടിയുടെ ശരീര സ്രവങ്ങൾ ശേഖരിച്ച് അയച്ചിട്ടുണ്ട്.

ALSO READ: കുവൈത്ത് വിഷമദ്യ ദുരന്തം: കണ്ണൂർ സ്വദേശി സച്ചിന്റെ മൃതദേഹം ഇന്ന് നാട്ടിലെത്തിക്കും; ദുരന്തത്തിൽ അകപ്പെട്ടവർ ജീവൻ നിലനിർത്തുന്നത് വെന്റിലേറ്റർ സഹായത്തോടെ

മരണകാരണം അമീബിക് മസ്തിഷ്ക ജ്വരമാണെന്ന് സ്ഥിരീകരിച്ചതോടെ ആരോഗ്യവകുപ്പ് അതീവ ജാഗ്രതാ നിർദേശം പുറപ്പെടുവിച്ചു. കുട്ടിയുടെ ബന്ധുക്കൾ ഉൾപ്പെടെ നാല് പേർ പനി ലക്ഷണങ്ങളുമായി കോഴിക്കോട് മെഡിക്കൽ കോളേജിൽ നിരീക്ഷണത്തിലാണ്. കുട്ടി വീടിന് സമീപമുള്ള കുളത്തിൽ കുളിച്ചിരുന്നതായി വിവരമുണ്ട്. കുളത്തിന്റെ ജല സാംപിളുകൾ ശേഖരിക്കാൻ ആരോഗ്യവകുപ്പ് തീരുമാനിച്ചു. പ്രദേശത്ത് ജനങ്ങൾക്ക് ജാഗ്രതാ നിർദേശം നൽകിയിട്ടുണ്ട്.

ALSO READ: ഇലക്ട്രിക് കാർ വാങ്ങുന്നുണ്ടോ? 4 ലക്ഷം രൂപ വരെ ഓഫറുമായി എംജി

A fourth-grade girl from Thamarassery, Kozhikode, died due to amoebic meningoencephalitis, confirmed by a preliminary post-mortem. The family alleges delayed treatment at Thamarassery Taluk Hospital, prompting a police case for unnatural death. The health department is on high alert, with four relatives under observation and water samples from a nearby pond being tested