കാൽനടയാത്രക്കാർ നിർദിഷ്ട ക്രോസിംഗ് മേഖലകളിൽ മാത്രം റോഡ് മുറിച്ചുകടക്കണമെന്ന് ആവർത്തിച്ച് യുഎഇ അധികൃതർ. അനധികൃത ക്രോസിംഗിന് (ജേവാക്കിംഗ്) കർശന ശിക്ഷകളും ഏർപ്പെടുത്തിയിട്ടുണ്ട്. റോഡ് സുരക്ഷാ നിയമങ്ങൾ കർക്കശമാക്കിയിട്ടും, ചിലർ വേഗത്തിൽ എതിർവശത്തെത്താൻ റോഡുകളിലൂടെ ഓടിക്കടക്കുന്നത് തുടരുന്നു.

ഷാർജ പൊലിസ് പുറത്തുവിട്ട ഒരു വീഡിയോയിൽ, ഒരാൾ കാൽനട ക്രോസിംഗിൽ ഓടിക്കടക്കുന്നതിനിടെ, വരുന്ന കാറുമായി കൂട്ടിയിടിച്ച് ജീവൻ നഷ്ടപ്പെടുന്ന ദൃശ്യങ്ങൾ കാണാം. ഇയാൾ നിർദിഷ്ട ക്രോസിംഗ് ഉപയോഗിച്ചെങ്കിലും, വാഹനങ്ങൾക്ക് പച്ച സിഗ്നൽ ഉള്ളപ്പോൾ കടക്കാൻ ശ്രമിച്ചതാണ് അപകടത്തിന് കാരണമായത്. "മിക്കവാറും എല്ലാ അപകടങ്ങളും ഒരേ കാരണത്താലാണ് ഉണ്ടാകുന്നത് - അപകടകരമായ റോഡ് മുറിച്ചുകടക്കൽ," എന്ന് അധികൃതർ ഓർമിപ്പിച്ചു.

ALSO READ: തൊഴിലാളി-തൊഴിലുടമ അവകാശങ്ങൾ: അവബോധ ടൂൾകിറ്റ് പുറത്തിറക്കി യുഎഇ

കുറച്ച് സെക്കന്റുകൾ അല്ലെങ്കിൽ മിനിറ്റുകൾ ലാഭിക്കാൻ അശ്രദ്ധമായി റോഡ് മുറിച്ചുകടക്കുമ്പോൾ, കാൽനട യാത്രക്കാർ സ്വന്തം ജീവനും റോഡിലെ മറ്റുള്ളവരുടെ സുരക്ഷയും അപകടത്തിലാക്കുന്നു. അപകടങ്ങൾ സംഭവിക്കുമ്പോൾ, അത് ഇരയെ മാത്രമല്ല, അവരുടെ പ്രിയപ്പെട്ടവരെയും ബാധിക്കുന്നുവെന്ന് അധികൃതർ ചൂണ്ടിക്കാട്ടി. 

മാർച്ച് 29-ന് പ്രാബല്യത്തിൽ വന്ന പുതിയ ട്രാഫിക് നിയമം, അനധികൃത ക്രോസിംഗിന് (ജേവാക്കിംഗ്) കനത്ത പിഴയും ജയിൽ ശിക്ഷയും ശിക്ഷ വിധിച്ചിട്ടുണ്ട്. ഇതിന് മുമ്പ്, ജേവാക്കിംഗിനുള്ള പിഴ 400 ദിർഹമായിരുന്നു. എന്നാൽ, പുതിയ നിയമപ്രകാരം, ജേവാക്കിംഗ് മൂലം ട്രാഫിക് അപകടം സംഭവിച്ചാൽ 5,000 മുതൽ 10,000 ദിർഹം വരെ പിഴയും ജയിൽ ശിക്ഷയും ലഭിക്കാം.

ALSO READ: സം​ഗീത പരിപാടിക്കിടെ പരിപാടിക്കെത്തിയ ആളുടെ ഫോൺ മോഷ്ടിച്ചു; ക്ലീനർക്ക് 9,500 ദിർഹം പിഴ ചുമത്തി കോടതി

കൂടാതെ, മണിക്കൂറിൽ 80 കിലോമീറ്റർ അല്ലെങ്കിൽ അതിന് മുകളിലുള്ള വേഗപരിധിയുള്ള റോഡുകളിൽ അനധികൃതമായി മുറിച്ചുകടന്നാൽ, കുറഞ്ഞത് 10,000 ദിർഹം പിഴയും മൂന്ന് മാസത്തിൽ കുറയാത്ത ജയിൽ ശിക്ഷയും ലഭിക്കും, അല്ലെങ്കിൽ ഈ ശിക്ഷകളിൽ ഒന്ന്.

The UAE authorities are stressing the importance of pedestrian safety by urging individuals to use designated crossing areas only. Despite strict traffic laws, some pedestrians continue to jaywalk, putting themselves at risk. The penalties for jaywalking are severe, with fines starting at AED 400 for crossing roads outside designated areas or ignoring traffic lights. Drivers who fail to yield to pedestrians at designated crossings can face fines of AED 500 and six black points on their driving license ¹.