കാസര്‍ഗോഡ്: സ്‌കൂള്‍ അസംബ്ലിക്കിടെ ശബ്ദമുണ്ടാക്കിയ വിദ്യാര്‍ഥിക്ക് ഹെഡ്മാസ്റ്ററുടെ ക്രൂരമര്‍ദ്ദനം. കാസര്‍ഗോഡ് കുണ്ടംകുഴി ഗവ ഹയര്‍ സെക്കണ്ടറി സ്‌കൂളിലെ പത്താം ക്ലാസ് വിദ്യാര്‍ഥി അഭിനവ് കൃഷ്ണയ്ക്കാണ് മര്‍ദനമേറ്റത്. മര്‍ദനത്തില്‍ വിദ്യാര്‍ഥിയുടെ കര്‍ണപടം പൊട്ടി. 

കഴിഞ്ഞ തിങ്കളാഴ്ച്ചയായിരുന്നു സംഭവം. അസംബ്ലി നടക്കുന്നതിനിടെ വിദ്യാര്‍ഥി കാലുകൊണ്ട് ചരല്‍ നീക്കിയെന്ന് ആരോപിച്ചാണ് ഹെഡ്മാസ്റ്റര്‍ വിദ്യാര്‍ഥിയെ തല്ലിയത്. അസംബ്ലി നടക്കുന്നതിനിടെ കുട്ടിയെ സ്റ്റേജിലേക്ക് വിളിച്ച് വരുത്തുകയും, എല്ലാ വിദ്യാര്‍ഥികളുടെയും മുന്‍പില്‍ വെച്ച് കോളറില്‍ പിടിക്കുകയും ചെവിയുടെ ഭാഗത്തേക്ക് അടിക്കുകയും ചെയ്‌തെന്നാണ് പരാതി. 

പൊലിസെത്തിയതോടെ കുട്ടി തലകറങ്ങി വീണതാണെന്ന് അധ്യാപകന്‍ കള്ളം പറഞ്ഞു. കേസ് ഒതുക്കി തീര്‍ക്കാന്‍ ഒരു ലക്ഷം രൂപ വാഗ്ദാനം ചെയ്‌തെന്നും വിദ്യാര്‍ഥിയുടെ അമ്മ പറഞ്ഞു. പിടിഎ പ്രസിഡന്റും, അധ്യാപകനും ഒന്നിച്ചാണ് വീട്ടിലെത്തിയത്. വിദ്യാര്‍ഥിക്ക് ശസ്ത്രക്രിയ വേണമെന്ന് ഡോക്ടര്‍മാര്‍ നിര്‍ദേശിച്ചതായും അമ്മ പറഞ്ഞു.

ALSO READ: തിരഞ്ഞെടുപ്പ് കമ്മിഷനും ബിജെപിയും തട്ടിപ്പ് നടത്തി, പൗരന്മാരുടെ ഭരണഘടനാ അവകാശങ്ങൾ കവർന്നെടുക്കുന്നു; വോട്ട് അധികാര്‍ യാത്രക്കിടെ ആരോപണവുമായി രാഹുൽ ഗാന്ധി 

Student was brutally assaulted by the headmaster for making noise during the school assembly. The incident took place at Kundamkuzhy Government Higher Secondary School in Kasaragod. The victim is Abhinav Krishna, a Class 10 student