അഹമ്മദാബാദ്: ഗുജറാത്തിൽ സ്വാതന്ത്ര്യം ലഭിച്ച് പതിറ്റാണ്ടുകൾ കഴിഞ്ഞിട്ടും ജാതിയുടെ പേരിൽ അക്രമം നടത്തുന്നത് സ്ഥിരം സംഭവമാകുന്നു. ഒരു ദലിത് യുവാവിനെ ക്രൂരമായി മർദ്ദിക്കുകയും, കൊള്ളയടിക്കുകയും, കൊല്ലുമെന്ന് ഭീഷണിപ്പെടുത്തുകയും ചെയ്ത സംഭവമാണ് ഏറ്റവും ഒടുവിലായി ഉണ്ടായത്. ഗുജറാത്തിലെ ജുനാഗഡിലാണ് സംഭവം. ആക്രമണം നടത്തുന്നതിന്റെ വീഡിയോ ദൃശ്യങ്ങൾ വൈറലായതോടെയാണ് സംഭവം പുറംലോകമറിഞ്ഞത്. സംഭവത്തിൽ പ്രതികളെ പിടികൂടിയിട്ടില്ല.

ഗുജറാത്തിൽ 21 ദിവസത്തിനുള്ളിൽ നടക്കുന്ന മൂന്നാമത്തെ ജാതി അതിക്രമമാണ് ഇത്. ആഗസ്റ്റ് 16 ന് ഉച്ചകഴിഞ്ഞ് ഇര ഒരു സുഹൃത്തിനെ കാണാൻ പോയപ്പോഴാണ് അതിക്രമം ഉണ്ടായത്. യുവാവ് നടന്നുപോകുന്നതിനിടെ സഹായത്തിനായി അഭ്യർത്ഥിച്ചുകൊണ്ട് ഒരു ആൺകുട്ടി അടുത്തേക്ക് ഓടിയെത്തി. തന്റെ സഹോദരനെ രക്ഷിക്കണമെന്ന് പറഞ്ഞ് എത്തിയ ആൺകുട്ടിയുടെ കൂടെ ദലിത് യുവാവ് സ്വാമി വിവേകാനന്ദ് സ്കൂൾ ഗ്രൗഡിലേക്ക് പോയി. എന്നാൽ ദലിത് യുവാവിനെ ആക്രമിക്കാൻ വേണ്ടി സംഘമൊരുക്കിയ കെണി ആയിരുന്നു അത്.

ALSO READ: മോദി നന്നായി ഭരിക്കുന്നുണ്ടല്ലോ? നിങ്ങൾക്ക് ഗസ്സയിലേക്ക് പൊയ്ക്കൂടേ! ഗസ്സയ്ക്ക് വേണ്ടി ഉപവാസ സമരം നടത്തിയ 77 കാരനായ ഐഐടി പ്രൊഫസറെയും മകളെയും അധിക്ഷേപിച്ച് ഡൽഹി പൊലിസ്

അവിടെ വെച്ച് മൂന്ന് ഉയർന്ന ജാതി യുവാക്കൾ ദലിത് യുവാവിനെ ക്രൂരമായി ആക്രമിക്കുകയായിരുന്നു. ആദ്യം യുവാവിന്റെ പശ്ചാത്തലം ചോദിച്ചു. താൻ കഡിയവാഡിൽ നിന്നുള്ളയാളാണെന്ന് അദ്ദേഹം മറുപടി നൽകിയപ്പോൾ, ഹിതേഷ് എന്നയാളുടെയും രണ്ട് തിരിച്ചറിയാത്ത കൂട്ടാളികളുടെയും നേതൃത്വത്തിൽ അക്രമികൾ അദ്ദേഹത്തെ ജാതി അധിക്ഷേപങ്ങൾ ഉപയോഗിച്ച് അധിക്ഷേപിക്കാൻ തുടങ്ങി. പിന്നാലെ കടുത്ത ആക്രമണവും തുടങ്ങി. ശരീരത്തിൽ മുറിവുകളുടെ പാടുകൾ ഉണ്ടാകുന്നത് വരെ ബെൽറ്റുകളും വടികളും ഉപയോഗിച്ച് മർദ്ദിച്ചു.

തുടർന്ന് അക്രമികൾ ഇരയുടെ മൊബൈൽ ഫോൺ പിടിച്ചുവാങ്ങുകയും പൊലിസിൽ പരാതിപ്പെടാൻ ധൈര്യപ്പെട്ടാൽ കൊല്ലുമെന്ന് ഭീഷണിപ്പെടുത്തുകയും ചെയ്തു.

"അവർ എന്നെ ബെൽറ്റും വടിയും ഉപയോഗിച്ച് മർദ്ദിച്ചു. എന്റെ ഫോൺ കവർന്നെടുത്തു. എന്റെ ജീവന് നേരെ ഭീഷണി മുഴക്കി. ഇന്ന് ഞാൻ, നാളെ മറ്റാരെങ്കിലും ആകാം. നീതി മാത്രമാണ് എനിക്ക് വേണ്ടത്" ജുനാഗഡ് സിവിൽ ആശുപത്രിയിൽ ചികിത്സയിൽ കഴിയുന്ന യുവാവ് പറഞ്ഞു.

സംഭവത്തിൽ, ജുനാഗഡ് എ ഡിവിഷൻ പൊലിസ് വിവിധ വകുപ്പുകൾ പ്രകാരം കേസ് രജിസ്റ്റർ ചെയ്തിട്ടുണ്ട്. പ്രതിയെ പിടികൂടാൻ കർശനമായ നിയമനടപടി എത്രയും വേഗം സ്വീകരിക്കുമെന്നും പ്രതികളെ ഉടൻ പിടികൂടുമെന്നും ഡിവൈഎസ്പി ഹിതേഷ് ദണ്ഡാലിയ അറിയിച്ചു.

In another shocking caste-based assault in Gujarat, a Dalit youth was brutally thrashed with a belt and stick, looted, and threatened with death if he filed a complaint. The incident took place in Junagadh. Video footage of the attack went viral, exposing the assault. This marks the third such attack against Dalits in the state within 21 days. Police are yet to arrest the accused.