തൃശൂർ: ഭാര്യയുടെ മാതാപിതാക്കളെ ക്രൂരമായി ആക്രമിക്കുകയും വീട്ടിലെ കാർ തകർക്കുകയും ചെയ്ത കേസിൽ യുവാവിനെ പൊലിസ് അറസ്റ്റ് ചെയ്തു. തളിക്കുളം കച്ചേരിപ്പടി സ്വദേശി കുന്നത്ത്പറമ്പിൽ വീട്ടിൽ ഷക്കീറിനെയാണ് (32) തൃശൂർ റൂറൽ പൊലിസ് അറസ്റ്റ് ചെയ്തത്. തിങ്കളാഴ്ച വൈകിട്ട് ആറ് മണിയോടെ ഭാര്യയുടെ പുത്തൻപീടികയിലെ വീട്ടിൽ അതിക്രമിച്ച് കയറിയാണ് ഷക്കീർ ആക്രമണം നടത്തിയത്.

ഇടിവള ഉപയോഗിച്ച് ഭാര്യയുടെ പിതാവിനെയും മാതാവിനെയും ഷക്കീർ മർദിക്കുകയും, വീട്ടിലുണ്ടായിരുന്ന മറ്റ് സ്ത്രീകളോട് അസഭ്യം പറയുകയും വീടിന് മുന്നിൽ നിർത്തിയിട്ടിരുന്ന കാർ തകർക്കുകയും ചെയ്തു. 

ഭാര്യയുടെ മാതാവിന്റെ പരാതിയെ തുടർന്ന് അന്തിക്കാട് പൊലിസ് കേസ് രജിസ്റ്റർ ചെയ്തു. ഭാര്യയുമായുള്ള വേർപിരിയലിന്റെ വൈരാഗ്യമാണ് ആക്രമണത്തിന് പിന്നിലെന്ന് പൊലിസ് പറഞ്ഞു. അന്തിക്കാട് പൊലിസ് സ്റ്റേഷൻ എസ്.എച്ച്.ഒ സരിൻ, എസ്.ഐ അഫ്സൽ, ജി.എസ്.ഐ സജീവ്, ജി.എ.എസ്.ഐ ബിനു തോമസ്, ജി.എസ്.സി.പി.ഒ ഷാനവാസ്, സി.പി.ഒ ഷാജഹാൻ എന്നിവർ ചേർന്നാണ് പ്രതിയെ കസ്റ്റഡിയിലെടുത്തത്.

A 32-year-old man from Thrissur was arrested for brutally attacking his wife's parents with an iron rod and damaging their car. The incident occurred at his wife's residence in Puthenpeedika, driven by marital disputes