ഓസ്‌ട്രേലിയക്കെതിരായ ആദ്യ ഏകദിനത്തിൽ 98 റൺസിന്റെ കൂറ്റൻ വിജയമാണ് സൗത്ത് ആഫ്രിക്ക സ്വന്തമാക്കിയത്. മത്സരത്തിൽ ആദ്യം ബാറ്റ് ചെയ്ത 50 ഓവറിൽ എട്ട് വിക്കറ്റ് നഷ്ടത്തിൽ 296 റൺസാണ് നേടിയത്. വിജയലക്ഷ്യം പിന്തുടർന്നിറങ്ങിയ ഓസ്‌ട്രേലിയ 40.5 ഓവറിൽ 198 റൺസിന്‌ പുറത്താവുകയായിരുന്നു. 

മത്സരത്തിൽ സൗത്ത് ആഫ്രിക്കക്കായി എയ്ഡൻ മാർക്രം, ക്യാപ്റ്റൻ ടെംബ ബവുമ, മാത്യു ബ്രീറ്റ്സ്കെ എന്നിവർ അർദ്ധ സെഞ്ച്വറി മികച്ച പ്രകടനമാണ് നടത്തിയത്. 81 പന്തിൽ ഒമ്പത് ഫോറുകൾ ഉൾപ്പടെ 82 റൺസാണ് മാർക്രം നേടിയത്. ബവുമ 74 പന്തിൽ 65 റൺസും നേടി. അഞ്ചു ഫോറുകളാണ് താരം നേടിയത്. മാത്യു ബ്രീറ്റ്സ്കെ 56 പന്തിൽ ഏഴ് ഫോറുകളും ഒരു സിക്‌സും അടക്കം 57 റൺസുമാണ് നേടിയത്. 

ബ്രീറ്റ്സ്കെയുടെ മൂന്നാം ഏകദിന മത്സരമായിരുന്നു ഇത്. മൂന്ന് ഏകദിന മത്സരങ്ങളിൽ നിന്നും 290 റൺസാണ് താരം അടിച്ചെടുത്തത്‌. ഇതോടെ ആദ്യ മൂന്ന് ഏകദിന മത്സരങ്ങളിൽ നിന്നും ഏറ്റവും കൂടുതൽ റൺസ് നേടുന്ന താരമായും ബ്രീറ്റ്സ്കെ മാറി. മുൻ ഇംഗ്ലണ്ട് താരം നിക്ക് നൈറ്റിന്റെ പേരിലാണ് ഇതിനു മുമ്പ് ഈ നേട്ടം ഉണ്ടായിരുന്നത്. മൂന്ന് ഇന്നിംഗ്‌സുകളിൽ നിന്ന് 270 റൺസായിരുന്നു മുൻ ഇംഗ്ലീഷ് താരം നേടിയിരുന്നത്. 

ന്യൂസിലാൻഡിനെതിരെ സെഞ്ച്വറി നേടിയാണ് മാത്യു ബ്രീറ്റ്സ്കെ ഏകദിന ക്രിക്കറ്റിലേക്ക് വരവറിയിച്ചത്. മത്സരത്തിൽ 148 പന്തിൽ 150 റൺസ് ആണ് താരം അടിച്ചെടുത്തത്. 11 ഫോറുകളുടെയും അഞ്ച് കൂറ്റൻ സിക്സുകളുടെയും അകമ്പടിയോടുകൂടിയാണ് ബ്രീറ്റ്സ്കെ തന്റെ അരങ്ങേറ്റ മത്സരത്തിൽ തന്നെ കളം നിറഞ്ഞ് കളിച്ചത്. 

ഈ തകർപ്പൻ സെഞ്ച്വറിക്ക് പിന്നാലെ ഏകദിനത്തിൽ അരങ്ങേറ്റ മത്സരത്തിൽ തന്നെ 150 റൺസ് നേടുന്ന ചരിത്രത്തിലെ ആദ്യ താരം, ഏകദിനത്തിൽ അരങ്ങേറ്റ മത്സരത്തിൽ ഒരു താരം നേടുന്ന ഏറ്റവും ഉയർന്ന റൺസ് തുടങ്ങിയ നേട്ടങ്ങൾ  ബ്രീറ്റ്സ്കെ സ്വന്തമാക്കിയിരുന്നു. ഇതിനുമുമ്പ് ഈ നേട്ടം സ്വന്തമാക്കിയിരുന്നത് വെസ്റ്റ്‌ ഇൻഡീസ് താരം ഡെസ്മോണ്ട് ഹെയ്നസ് ആണ്. 1978ൽ ഓസ്ട്രേലിയക്കെതിരെയായിരുന്നു താരം ഈ നേട്ടം സ്വന്തമാക്കിയത്. 

അതേസമയം മത്സരത്തിൽ സൗത്ത് ആഫ്രിക്കൻ ബൗളിംഗ് നിരയിൽ അഞ്ചു വിക്കറ്റുകൾ നേടി കേശവ് മഹാരാജ് തിളങ്ങി. നാൻഡ്രെ ബർഗർ, ലുങ്കി എൻഗിഡി എന്നിവർ രണ്ട് വീതം വിക്കറ്റുകൾ നേടിയും വിജയത്തിൽ നിർണായകമായി. 96 പന്തിൽ 88 റൺസ് നേടിയ ക്യാപ്റ്റൻ മിച്ചൽ മാർഷാണ് ഓസീസ് നിരയിലെ ടോപ് സ്‌കോറർ. 

Matthew Breetzke create a historical record in odi cricket. The player shone by scoring a half-century in the first ODI against Australia. Mathew Breitske scored 57 runs off 56 balls, including seven fours and a six.