ന്യൂഡൽഹി: തൃശൂർ - എറണാകുളം ദേശീയപാതയിലെ പാലിയേക്കര ടോൾ പിരിവ് തടഞ്ഞതിനെതിരെ നൽകിയ അപ്പീലിൽ ദേശീയപാത അതോറിറ്റിയുടെ അപ്പീൽ സുപ്രിം കോടതി തള്ളി. ടോൾ പിരിവ് നാല് ആഴ്ചക്കാലത്തേക്ക് വിലക്കിയ കേരള ഹൈക്കോടതി ഉത്തരവിനെതിരെ നൽകിയ അപ്പീലാണ് രൂക്ഷ വിമർശനത്തോടെ സുപ്രിം കോടതി തള്ളിയത്. ഹൈക്കോടതിയുടെ ഇടക്കാല ഉത്തരവിൽ ഇടപെടില്ലെന്ന് സുപ്രിംകോടതി വ്യക്തമാക്കി. ചീഫ് ജസ്റ്റിസ് ബി.ആർ ഗവായ്, ജസ്റ്റിസ് വിനോദ് ചന്ദ്രൻ എന്നിവരടങ്ങുന്ന ബെഞ്ചിന്റേതാണ് നടപടി.

പൗരന്മാരുടെ ദുരവസ്ഥയിൽ ആശങ്കയുണ്ടെന്ന് അപ്പീൽ പരിഗണിക്കവെ സുപ്രിംകോടതി വ്യക്തമാക്കി. കുണ്ടും കുഴിയും നിറഞ്ഞ റോഡുകളിലൂടെ സഞ്ചരിക്കാൻ കൂടുതൽ പണം നൽകേണ്ടതില്ലെന്നും കോടതി വ്യക്തമാക്കി. ഹൈക്കോടതി ഡിവിഷൻ ബെഞ്ചിന്റെ മേൽനോട്ടത്തിൽ ഗതാഗതം സുഗമാമാക്കാനുള്ള നടപടികൾ തുടരണമെന്നും കോടതി നിർദേശിച്ചു.

കെടുകാര്യസ്ഥതയുടെ പ്രതീകമാണ് ഗട്ടറുകളും കുഴികളും നിറഞ്ഞ റോഡ്. ഈ കുഴികളിലൂടെ സഞ്ചരിക്കാൻ കൂടുതൽ പണം നൽകേണ്ടതില്ല. ഇതിനോടകം നികുതി പണം നൽകിയിരിക്കുന്ന പൗരന്മാർക്ക് റോഡിലൂടെ പോകാൻ സഞ്ചാരസ്വാതന്ത്യമുണ്ടെന്നും അതിന് കൂടുതൽ പണം നൽകേണ്ടതില്ലെന്നും ഡിവിഷൻ ബെഞ്ച് വ്യക്തമാക്കി.

The Supreme Court has dismissed the National Highways Authority of India’s (NHAI) appeal challenging the Kerala High Court order that suspended toll collection at Paliyekkara on the Thrissur–Ernakulam National Highway for four weeks. A bench comprising Chief Justice B.R. Gavai and Justice Vinod Chandran refused to interfere with the High Court’s interim order, delivering sharp criticism of NHAI’s plea.