എറണാകുളം: പറവൂരില്‍ വീട്ടമ്മ പുഴയില്‍ ചാടി ജീവനൊടുക്കി. പലിശക്കാരുടെ ഭീഷണിയെത്തുടര്‍ന്നാണ് പുഴയില്‍ ചാടിയതെന്നാണ് പരാതി. കോട്ടുവള്ളി സ്വദേശി ആശാ ബെന്നിയാണ് മരിച്ചത്. റിട്ടയേഡ് പൊലിസ് ഉദ്യോഗസ്ഥനായ പ്രദീപിനും ഭാര്യ ബിന്ദുവിനുമെതിരേയാണ് ബന്ധുക്കളുടെ ആരോപണം.

ആശ പത്തുലക്ഷം രൂപ കടംവാങ്ങിയെന്നാണ് പ്രദീപും ഭാര്യയും പറഞ്ഞതെന്നാണ് ആശയുടെ ഭര്‍ത്താവ് പറയുന്നത്. അപ്പോഴാണ് താന്‍ ഈ കാര്യമറിയുന്നതെന്നും ഭര്‍ത്താവ്. ആശയോട് ചോദിച്ചപ്പോള്‍ പണവും പലിശയുമടക്കം 35 ലക്ഷത്തോളം രൂപ മടക്കിക്കൊടുത്തുവെന്നും ആശപറഞ്ഞു. ബിസിനസ് ആവശ്യത്തിനു വേണ്ടിയായിരുന്നു രണ്ടു ത വണയായി ആശ 5 ലക്ഷം രൂപ വീതം വാങ്ങിയതെന്നാണ് സൂചന.

ALSO READ: പാലക്കാട് കൊഴിഞ്ഞാമ്പാറയില്‍ വീട്ടില്‍ക്കയറി യുവാവിനെ കൊലപ്പെടുത്തി

പണമിടപാട് വിഷയവുമായി ബന്ധപ്പെട്ട് മുന്‍പും ആശ ആത്മഹത്യക്ക് ശ്രമിച്ചിരുന്നു. അന്ന് നാലു ദിവസം ആശുപത്രിയിലുമായിരുന്നു. പരാതി നല്‍കിയിട്ടും പൊലിസിന്റെ ഭാഗത്ത് നിന്ന് വേണ്ടത്ര ഇടപെടലുണ്ടായില്ലെന്ന് കുടുംബം  ആരോപിക്കുന്നു. തിങ്കളാഴ്ച രാത്രിയും പ്രദീപും ഭാര്യയും വീട്ടില്‍ വന്ന് ഭീഷണിമുഴക്കിയിരുന്നുവെന്നും ആശയുടെ കുടുംബം പറയുന്നു. ഇതിന്റെ ദൃശ്യങ്ങളും പുറത്തെത്തിയിട്ടുണ്ട്. 

(ആത്മഹത്യ ഒന്നിനും പരിഹാരമല്ല. അതിജീവിക്കാന്‍ ശ്രമിക്കുക. വിളിക്കൂ- 1056)

In a disturbing incident from Paravoor in Ernakulam, a woman named Asha Benny, hailing from Kottuvally, died by suicide by jumping into a river. According to her family, she was driven to the act due to persistent threats from private moneylenders.