മലപ്പുറം: എസ്.കെ.എസ്.എസ്.എഫ് തിരുവനന്തപുരം ജില്ലാ കമ്മിറ്റിയുടെ നേതൃത്വത്തിലുള്ള എട്ടാമത് ആംബുലന്‍സ് പാണക്കാട് സയ്യിദ് ഹൈദരലി ശിഹാബ് തങ്ങള്‍ താക്കോല്‍ കൈമാറി ഉദ്ഘാടനം ചെയ്തു.
പാണക്കാട് നടന്ന ചടങ്ങില്‍ ജില്ലാ ട്രഷററും ആംബുലന്‍സ് സര്‍വീസ് കോഡിനേറ്ററുമായ ഷാജുദ്ദീന്‍ ചിറക്കല്‍ താക്കോല്‍ ഏറ്റുവാങ്ങി. ഷാനവാസ് മാസ്റ്റര്‍ കണിയാപുരം, റഫീഖ് അഹമ്മദ് തിരൂര്‍, എസ്.കെ.എസ്.എസ്.എഫ് തിരുവനന്തപുരം ജില്ലാ സെക്രട്ടറി അഡ്വ. ഹസീം മുഹമ്മദ്, നസീര്‍ മുസ്‌ലിയാര്‍ ചാന്നാങ്കര, ഷാജഹാന്‍ വെമ്പായം, സുല്‍ഫിക്കര്‍ കണിയാപുരം, ജഅ്ഫര്‍ ഫൈസി പഴമള്ളൂര്‍, ഉമറുല്‍ ഫാറൂഖ് ഫൈസി മണിമൂളി, ഉസ്മാന്‍ ഫൈസി അരിപ്ര പങ്കെടുത്തു. മൊബൈല്‍ ഐ.സി.യു, വെന്റിലേറ്റര്‍, കാര്‍ഡിയോളജി സിസ്റ്റം തുടങ്ങിയ നൂതന സൗകര്യങ്ങളോടെയാണ് ആംബുലന്‍സ് നിരത്തിലിറങ്ങുന്നത്.