ഓസ്‌ട്രേലിയക്കെതിരായ ആദ്യ ഏകദിനത്തിൽ സൗത്ത് ആഫ്രിക്കക്കായി യുവതാരം ഡെവാൾഡ് ബ്രെവിസ് അരങ്ങേറ്റം കുറിച്ചിരുന്നു. മത്സരത്തിൽ നേരിട്ട ആദ്യ പന്തിൽ തന്നെ സിക്സർ പറത്തിയാണ് ബ്രെവിസ് തിളങ്ങിയത്. എന്നാൽ രണ്ടാം പന്തിൽ താരം പുറത്താവുകയായിരുന്നു. ബൗണ്ടറി ലൈനിൽ നിന്നും അലക്സ് കാരി ക്യാച്ചിലൂടെ ബ്രെവിസിനെ മടക്കി അയക്കുകയായിരുന്നു. നേരിട്ട ആദ്യ പന്ത് സിക്സർ നേടിയതോടെ ഏകദിന ഫോർമാറ്റിൽ അരങ്ങേറ്റ മത്സരത്തിൽ നേരിട്ട ആദ്യ പന്തിൽ സിക്സർ നേടുന്ന ചരിത്രത്തിലെ ആറാമത്തെ താരമായും ബ്രെവിസ് മാറി. 

ജോഹാൻ ലൂവ്(സൗത്ത് ആഫ്രിക്ക), ജവാദ് ദാവൂദ്(കാനഡ), ക്രെയ്ഗ് വാലസ്(സ്കോട്ലാൻഡ്), ആർ എൻഗരവ(സിംബാബ്‌വേ), ഇഷാൻ കിഷൻ(ഇന്ത്യ), എസ് ഹൊസൈൻ(പാകിസ്താൻ) എന്നിവരാണ് ബ്രെവിസിന് മുമ്പേ ഈ നേട്ടം കൈവരിച്ചത്. 

രണ്ടാം ടി-20 പരമ്പരയിൽ സെഞ്ച്വറി നേടി മിന്നും പ്രകടനമാണ് ഡെവാൾഡ് ബ്രെവിസ് നടത്തിയത്. മത്സരത്തിൽ 56 പന്തിൽ പുറത്താവാതെ 125 റൺസ് നേടിയാണ് ബ്രെവിസ് തിളങ്ങിയത്. 12 ഫോറുകളും എട്ട് കൂറ്റൻ സിക്സുകളും അടങ്ങുന്നതായിരുന്നു ബ്രെവിസിന്റെ ഇന്നിങ്സ്. ഈ സെഞ്ച്വറിക്ക് പിന്നാലെ പല റെക്കോർഡും ബ്രെവിസ് സ്വന്തമാക്കി.  ഇന്റർനാഷണൽ ടി-20യിൽ സൗത്ത് ആഫ്രിക്കക്ക് വേണ്ടി ഏറ്റവും വേഗത്തിൽ സെഞ്ച്വറി നേടുന്ന രണ്ടാമത്തെ താരമായി ബ്രെവിസ് മാറിയിരുന്നു. വെറും 41 പന്തിൽ നിന്നുമാണ് താരം സെഞ്ച്വറി പൂർത്തിയാക്കിയത്. 

 അന്താരാഷ്ട്ര ടി-20യിൽ സൗത്ത് ആഫ്രിക്കക്കായി ഏറ്റവും ഉയർന്ന റൺസ് നേടുന്ന താരമായും ബ്രെവിസ് മാറി. ഫാഫ് ഡുപ്ലെസിന്റെ പേരിലാണ് ഇതിനു മുമ്പ് ഈ റെക്കോർഡ് ഉണ്ടായിരുന്നത്. 2015ൽ ആണ് ഫാഫ് സെഞ്ച്വറി നേടിയിരുന്നത്. വെസ്റ്റ് ഇൻഡീസിനെതിരെ 119 റൺസാണ് ഫാഫ് അടിച്ചെടുത്തത്. 56 പന്തിൽ 119 റൺസാണ് 2015ൽ ഫാഫ് നേടിയത്. 11 ഫോറുകളും അഞ്ചു സിക്സുകളും ആണ് താരം നേടിയത്. 

അതേസമയം ഓസ്‌ട്രേലിയക്കെതിരായ ആദ്യ ഏകദിനത്തിൽ 98 റൺസിന്റെ കൂറ്റൻ വിജയമാണ് സൗത്ത് ആഫ്രിക്ക സ്വന്തമാക്കിയത്. മത്സരത്തിൽ ആദ്യം ബാറ്റ് ചെയ്ത 50 ഓവറിൽ എട്ട് വിക്കറ്റ് നഷ്ടത്തിൽ 296 റൺസാണ് നേടിയത്. വിജയലക്ഷ്യം പിന്തുടർന്നിറങ്ങിയ ഓസ്‌ട്രേലിയ 40.5 ഓവറിൽ 198 റൺസിന്‌ പുറത്താവുകയായിരുന്നു. 

Youngster Dewald Brevis made his debut for South Africa in the first ODI against Australia Brevis shone by hitting a six off the very first ball of the match