2025 വനിത ഏകദിന ലോകകപ്പിന് മുന്നോടിയായുള്ള സന്നാഹ മത്സരങ്ങൾക്കുള്ള ഇന്ത്യൻ എ ടീമിനെ പ്രഖ്യാപിച്ചു. ടീമിനെ മലയാളി താരം മിന്നു മണി നയിക്കും. ലോകകപ്പ് ടീമിൽ ഇടം നേടാൻ സാധിക്കാതെ പോയ ഷഫാലി വർമയും ഇന്ത്യ എ ടീമിൽ ഇടം നേടി. മലയാളി താരമായ വിജെ ജോഷിത ടീമിൽ ഇടം നേടാതെ പോയി. സെപ്റ്റംബർ 28ന് സൗത്ത് ആഫ്രിക്കക്കെതിരെയാണ് ഇന്ത്യ എ ടീമിന്റെ സന്നാഹ മത്സരം നടക്കുന്നത്. 

ലോകകപ്പ് സന്നാഹ മത്സരങ്ങൾക്കുള്ള ഇന്ത്യ എ ടീം

മിന്നു മണി (ക്യാപ്റ്റൻ), ധാരാ ഗുജ്ജർ, ഷഫാലി വർമ, തേജൽ ഹസബ്‌നിസ്, വൃന്ദ ദിനേശ്, ഉമാ ചേത്രി (വിക്കറ്റ് കീപ്പർ), നന്ദിനി കശ്യപ് (വിക്കറ്റ് കീപ്പർ), തനുശ്രീ സർക്കാർ, തനുജ കൻവർ, ടിറ്റാസ് സാധു, സയാലി സത്‌ഘരെ, സൈമ താക്കൂർ, പ്രേമാ ബിസ്‌ഹ്‌രത്, പ്രിയ മിസ്‌റത്ത്. 

അതേസമയം വനിത ഏകദിന ലോകകപ്പിനുള്ള ഇന്ത്യൻ ടീമിനെ കഴിഞ്ഞ ദിവസമാണ് പ്രഖ്യാപിച്ചു. ഹർമൻപ്രീത് കൗറിന്റെ കീഴിലാണ് ഇന്ത്യ ലോകകപ്പ് കളിക്കാനെത്തുന്നത്. സ്മൃതി മന്ദാനയെ വൈസ് ക്യാപ്റ്റനായും തെരഞ്ഞെടുത്തു. 

ഇന്ത്യക്ക് ഇതുവരെ വനിത ലോകകപ്പ് സ്വന്തമാക്കാൻ സാധിച്ചിട്ടില്ല. 2017ൽ നടന്ന ടൂർണമെന്റിൽ ഫൈനലിൽ എത്തിയെങ്കിലും ഇംഗ്ലണ്ടിനോട് പരാജയപ്പെട്ട് ഇന്ത്യക്ക് കിരീടം നഷ്ടമാവുകയായിരുന്നു. മിതാലി രാജിന്റെ കീഴിലാണ് ഇന്ത്യ ആ ടൂർണമെന്റിൽ റണ്ണേഴ്‌സ് അപ്പായത്. ലോകകപ്പിൽ സെപ്റ്റംബർ 30നാണ് ഇന്ത്യയുടെ ആദ്യ മത്സരം. ശ്രീലങ്കയാണ്‌ ഹർമൻപ്രീതിന്റെയും സംഘത്തിന്റെയും ആദ്യ മത്സരത്തിലെ എതിരാളികൾ. 

2025 വനിത ഏകദിന ലോകകപ്പിനുള്ള ഇന്ത്യൻ ടീം

ഹർമൻപ്രീത് കൗർ (ക്യാപ്റ്റൻ), സ്മൃതി മന്ദാന (വൈസ് ക്യാപ്റ്റൻ), പ്രതീക റാവൽ, ഹർലീൻ ഡിയോൾ, ദീപ്തി ശർമ, ജെമീമ റോഡ്രിഗസ്, രേണുക സിംഗ് താക്കൂർ, അരുന്ധതി റെഡ്ഡി, റിച്ച ഘോഷ് (വിക്കറ്റ് കീപ്പർ), ക്രാന്തി ഗൗഡ്, അമാൻജോത് കൗർ, ശ്രീ ചരാനി, രാധ യാദവ്, യാസ്തിക ഭാട്ടിയ(വിക്കറ്റ് കീപ്പർ), സ്നേഹ റാണാ.

The India A team for the warm-up matches ahead of the 2025 Womens ODI World Cup has been announced The team will be led by Malayali player Minnu Mani