പത്തനംതിട്ട: യുവനടിയുടേത് ഉൾപ്പെടെയുള്ള ആരോപണങ്ങൾക്ക് മറുപടിയുമായി യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിൽ. യൂത്ത് കോൺഗ്രസ് സംസ്ഥാന പ്രസിഡന്റ് സ്ഥാനത്ത് നിന്ന് മാറാൻ തന്നോട് ആരും ആവശ്യപ്പെട്ടിട്ടില്ലെന്ന് പറഞ്ഞ രാഹുൽ തനിക്കെതിരെയുള്ള മുഴുവൻ ആരോപണങ്ങളെയും തള്ളി. എഐസിസി ഉൾപ്പെടെ കേന്ദ്ര നേതൃത്വമോ സംസ്ഥാന നേതൃത്വമോ തന്റെ രാജി ആവശ്യപ്പെട്ടിട്ടില്ലെന്ന് പറഞ്ഞ രാഹുൽ മാങ്കൂട്ടത്തിൽ പിന്നാലെ സ്വയം രാജിവെച്ചു.

പരാതിയുമായി വന്ന യുവനടി അടുത്ത സുഹൃത്താണ്. അവർ ഉന്നയിച്ച കാര്യങ്ങൾ തന്നെക്കുറിച്ച് ആണെന്ന് കരുതുന്നില്ലെന്നും രാഹുൽ മാങ്കൂട്ടത്തിൽ അടൂരിൽ മാധ്യമങ്ങളോട് പ്രതികരിച്ചു. നടിയുടെ പരാതി തന്നെക്കുറിച്ചല്ല. എനിക്കെതിരെ ആരും പരാതി ഉന്നയിച്ചിട്ടില്ല. പരാതി നൽകിയാൽ കോടതിയിൽ നേരിടുമെന്നും രാഹുൽ പറഞ്ഞു. നിയമപരമായി നിരപരാധിത്വം തെളിയിക്കും.

തനിക്കെതിരെ ഉയർന്ന ആരോപണങ്ങൾ എല്ലാം തള്ളിയ രാഹുൽ മാങ്കൂട്ടത്തിൽ രാജി പ്രഖ്യാപന വാർത്തകളും തള്ളി.