തിരുവനന്തപുരം: സപ്ലൈക്കോ ഔട്ട്‌ലെറ്റുകളില്‍ നാളെ വെളിച്ചെണ്ണക്ക് വില കുറയും. കേര, ശബരി ബ്രാന്റ് വെളിച്ചെണ്ണകള്‍ക്ക് പ്രത്യേക വിലക്കുറവ് പ്രഖ്യാപിച്ച് സപ്ലൈക്കോ ഉത്തരവിറക്കി. 

457 രൂപ വിലയുള്ള ഒരു ലിറ്റര്‍ കേര വെളിച്ചെണ്ണ, നാളെ 445 രൂപ നിരക്കില്‍ ലഭിക്കും. പൊതുവിപണയില്‍ കേര വെളിച്ചെണ്ണ ലിറ്ററിന് 529 രൂപയാണ്. സപ്ലൈക്കോ ശബരി ബ്രാന്റ് വെളിച്ചെണ്ണ സബ്‌സിഡി നിരക്കില്‍ 359 രൂപയ്ക്കും ലഭിക്കും. വിപണിയില്‍ വെളിച്ചെണ്ണ വില കുത്തനെ കൂടിയതിന് പിന്നാലെയാണ് സര്‍ക്കാര്‍ ഇടപെടല്‍.

ALSO READ: കൊല്ലാനാണെങ്കില്‍ സെക്കന്റുകള്‍ മാത്രം മതിയെന്ന് ഭീഷണി; രാഹുലും യുവതിയും തമ്മിലുള്ള സംഭാഷണത്തിന്റെ കൂടുതല്‍ ഭാഗങ്ങള്‍ പുറത്ത് 

ഓണം അടുത്തതോടെ വിപണിയില്‍ പല സാധനങ്ങള്‍ക്കും തീവിലയാണ്. വെളിച്ചെണ്ണയുള്‍പ്പെടെ അവശ്യ സാധനങ്ങള്‍ക്ക് വിലകൂടിയത് സര്‍ക്കാരിനെയും പ്രതിസന്ധിയിലാക്കി. വിലക്കയറ്റത്തില്‍ ഭക്ഷ്യ വകുപ്പ് മന്ത്രി ജി ആര്‍ അനിലിന് സ്വന്തം പാര്‍ട്ടിയില്‍ നിന്നുതന്നെ വിമര്‍ശനങ്ങള്‍ ഏല്‍ക്കേണ്ടി വന്നിരുന്നു. 13 ഇന അവശ്യ സാധനങ്ങള്‍ക്ക് വില കൂടില്ലെന്ന സര്‍ക്കാര്‍ വാഗ്ദാനം പാഴായെന്നാണ് വിമര്‍ശനമുയര്‍ന്നിരുന്നു.

അതേസമയം കടുത്ത വിലക്കയറ്റത്തിനിടയിലും സംസ്ഥാനത്ത് വ്യാജന്‍മാര്‍ വിലസുകയാണ്. കൊല്ലത്ത് നിലവാരമില്ലാത്ത 5800 ലിറ്റര്‍ വെളിച്ചെണ്ണയാണ് പിടികൂടിയത്. കേര സൂര്യ, കേര ഹരിതം എന്നിങ്ങനെ വ്യാജ ലേബലുകള്‍ ചേര്‍ത്ത വെളിച്ചെണ്ണയാണ് ഭക്ഷ്യ സുരക്ഷ വകുപ്പ് പിടികൂടിയിരുന്നു. വ്യാജന്‍മാര്‍ക്കെതിരെ ശക്തമായ നടപടി സ്വീകരിക്കുമെന്ന് സര്‍ക്കാര്‍ അറിയിച്ചിട്ടുണ്ട്.

price of coconut oil will be reduced tomorrow at Supplyco outlets. Supplyco has announced a special discount for Kera and Shabari brand coconut oils.