വയനാട്: കൽപ്പറ്റയിൽ എട്ടാം ക്ലാസ് വിദ്യാർഥിയെ പ്ലസ് വൺ വിദ്യാർഥികൾ സംഘം ചേർന്ന് റാഗ് ചെയ്യുകയും ക്രൂരമായി മർദിക്കുകയും ചെയ്തു. കൽപ്പറ്റ പുതിയ ബസ് സ്റ്റാൻഡിൽ വെച്ചാണ് സംഭവം. കൽപ്പറ്റ എൻഎസ്എസ് സ്കൂളിലെ പന്ത്രണ്ടു വയസ്സുകാരനായ വിദ്യാർഥിയെയാണ് സംഘം ചേർന്ന് ആക്രമിച്ചത്.

സംഭവത്തെ തുടർന്ന് വിദ്യാർഥിയുടെ കുടുംബം കൽപ്പറ്റ പൊലിസിൽ പരാതി നൽകി. മകനെ ബലമായി കൂട്ടിക്കൊണ്ടുപോകാൻ ശ്രമിക്കുകയും, പ്രതികരിച്ചപ്പോൾ സംഘം ചേർന്ന് തലയ്ക്ക് അടിക്കുകയായിരുന്നുവെന്നും മാതാവ് പറഞ്ഞു. കുട്ടിയ്ക്ക് ശാരീരികവും മാനസികവുമായ ബുദ്ധിമുട്ടുകൾ അനുഭവിക്കുന്നതായും അമ്മ വെളിപ്പെടുത്തി.

ALSO READ: 36 ലക്ഷം സ്ത്രീധനമായി നൽകിയില്ല; രോഷത്തിൽ മകന്റെ മുന്നിൽ വെച്ച് യുവതിയെ തീകൊളുത്തി കൊലപ്പെടുത്തി: ഭർത്താവ് അറസ്റ്റിൽ, ഭർതൃവീട്ടുകാർക്കായി തിരച്ചിൽ 

സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. പരുക്കേറ്റ വിദ്യാർഥിയെ കൈനാട്ടിയിലെ ജനറൽ ആശുപത്രിയിലും പിന്നിട് കൽപ്പറ്റയിലെ  സ്വകാര്യ ആശുപത്രിയിലും പ്രവേശിപ്പിച്ചു. ഇത്തരം റാഗിങ് ആവർത്തിക്കാതിരിക്കാൻ നിയമപരമായി തന്നെ മുന്നോട്ടുപോകുമെന്ന് കുട്ടിയുടെ മാതാവ് വ്യക്തമാക്കി. പരാതിയിൽ പൊലിസ് കേസെടുത്ത് അന്വേഷണം ആരംഭിച്ചിട്ടുണ്ട്.

In Wayanad, a group of plus one students ragged and brutally assaulted a 12-year-old eighth-grade student from Kalpetta NSS School near the new bus stand. The victim's family filed a police complaint, and CCTV footage revealed the severity of the attack.