കോഴിക്കോട്: രാമനാട്ടുകരയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ നിർണായക വഴിത്തിരിവ്. പെൺകുട്ടിയെ പാർപ്പിച്ചിരുന്ന ഫ്‌ളാറ്റിലെ സിസിടിവി ഹാർഡ് ഡിസ്ക്,  സമീപത്തെ കിണറ്റിൽ നിന്ന് പൊലിസ് കണ്ടെടുത്തു. തെളിവ് നശിപ്പിക്കാനുള്ള ശ്രമത്തിന്റെ ഭാഗമായാണ് മുഖ്യപ്രതി ഹാർഡ് ഡിസ്ക് കിണറ്റിൽ ഉപേക്ഷിച്ചതെന്ന് പൊലിസ് കരുതുന്നത്. ഹാർഡ് ഡിസ്ക് വിശദമായ പരിശോധനയ്ക്കായി നാളെ സൈബർ സെല്ലിന് മുന്നിൽ ഹാജരാക്കും.

കേസിലെ മുഖ്യപ്രതിയായ ആൺസുഹൃത്തിനെ ഇതുവരെ കണ്ടെത്താനായിട്ടില്ല. എന്നാൽ, പ്രതിയുടെ സുഹൃത്തിനെ പൊലിസ് നേരത്തെ കസ്റ്റഡിയിൽ എടുത്തിരുന്നു. ഇയാളുടെ മൊഴിയുടെ അടിസ്ഥാനത്തിലാണ് കിണറിൽ പരിശോധന നടത്തി ഹാർഡ് ഡിസ്ക് കണ്ടെടുത്തത്. 

ALSO READ: റാഗിംങ്: വയനാട്ടിൽ എട്ടാം ക്ലാസ് വിദ്യാർഥിയ്ക്ക് നേരെ പ്ലസ് വൺ വിദ്യാർഥികളുടെ ക്രൂര മർദനം

ആൺസുഹൃത്ത് പെൺകുട്ടിയെ ജോലി ചെയ്തിരുന്ന മാളിൽ നിന്ന് വിളിച്ചിറക്കി കാറിൽ കയറ്റി കൊണ്ടുപോവുകയും തുടർന്ന് ക്ലോറോഫോം പോലുള്ള മയക്കുമരുന്ന് മണപ്പിച്ച് ബോധരഹിതയാക്കിയ ശേഷം പീഡിപ്പിക്കുകയായിരുന്നു. ഒരു ദിവസം ഫ്‌ളാറ്റിൽ പാർപ്പിച്ച ശേഷം, അടുത്ത ദിവസം കുട്ടിയെ ആളൊഴിഞ്ഞ പ്രദേശത്ത് ഉപേക്ഷിക്കുകയായിരുന്നു. ശാരീരികാസ്വാസ്ഥ്യത്തെ തുടർന്ന് കേസിലെ അതിജീവിതയെ ജുവനൈൽ ഹോമിൽ നിന്ന് മെഡിക്കൽ കോളജ് ആശുപത്രിയിലേക്ക് മാറ്റി. മാതാവിന് കുട്ടിയെ കാണാൻ അനുവദിച്ചില്ലെന്നും പരാതി ഉയർന്നിട്ടുണ്ട്. മുഖ്യപ്രതിയെ കണ്ടെത്താൻ പൊലിസ് തീവ്രമായ അന്വേഷണം തുടരുകയാണ്.

In the Ramanattukara POCSO case, police recovered a CCTV hard disk from a well, believed to be discarded by the main accused to destroy evidence. The disk will be examined by the cyber cell. The prime suspect remains at large, while the victim, a minor girl, was abducted, drugged, and assaulted.