ഓരോ പുതിയ അധ്യയന വർഷം ആരംഭിക്കുമ്പോഴും സ്കൂൾ പരിസരങ്ങളിലെ ട്രാഫിക് നിയമലംഘനങ്ങൾക്കെതിരെ യുഎഇ മുന്നറിയിപ്പ് പുതുക്കാറുണ്ട്. 2024-ലെ ഫെഡറൽ ട്രാഫിക് റെഗുലേഷൻ നിയമം നമ്പർ 14  വിദ്യാർത്ഥികളുടെ സുരക്ഷ ഉറപ്പാക്കുന്നതിനും റോഡുകളിലും സ്കൂൾ ബസുകളിലും അവരുടെ സംരക്ഷണം ശക്തിപ്പെടുത്തുന്നതിനും ലക്ഷ്യമിടുന്നു. 

സ്കൂൾ പരിസരങ്ങളിലെ സാധാരണ ട്രാഫിക് നിയമലംഘനങ്ങൾ

സ്കൂൾ ബസുകൾ പ്രദർശിപ്പിക്കുന്ന “STOP” സൈനിൽ നിർത്താതിരിക്കലാണ് ഏറ്റവും സാധാരണമായ ലംഘനങ്ങളിലൊന്ന്. ഈ സൈൻ ഉയർത്തുമ്പോൾ, ബസിന് പിന്നിലോ എതിർദിശയിൽ നിന്ന് വരുന്നവരോ ആയ ഡ്രൈവർമാർ വാഹനം നിർത്തണം.

സീറ്റ്‌ബെൽറ്റ് ധരിക്കാതിരിക്കലാണ് മറ്റൊരു പ്രധാന പ്രശ്നം. മുൻസീറ്റിലും പിൻസീറ്റിലും ഉള്ള എല്ലാ യാത്രക്കാർ സീറ്റ്‌ബെൽറ്റ് ധരിക്കണമെന്ന് നിയമം പറയുന്നു, ഇല്ലെങ്കിൽ ഡ്രൈവർ ഇതിന് ഉത്തരവാദിയാണ്.

ALSO READ: ​ മരുഭൂമി പച്ചപ്പ് ആക്കാനുള്ള സഊദി ശ്രമം വിജയം കാണുന്നു; പൊടിക്കാറ്റിലും മണൽകാറ്റിലും 53% കുറവ്

വ്യാജ നമ്പർ പ്ലേറ്റുകൾ

വ്യാജമോ, മാറ്റം വരുത്തിയതോ, കേടായതോ, അല്ലെങ്കിൽ ലൈസൻസ് ഇല്ലാത്ത നമ്പർ പ്ലേറ്റുകളുടെ ഉപയോഗവും ശിക്ഷാർഹമാണ്. ഇത്തരം ലംഘനങ്ങൾക്ക് ഉയർന്ന പിഴയും ജയിൽ ശിക്ഷയും ലഭിക്കാം.

സ്കൂൾ മേഖലകളിൽ വേഗപരിധി ലംഘിക്കുക, ട്രാഫിക് നിയമങ്ങൾ ലംഘിക്കുക, സ്കൂൾ ഗേറ്റിന് പുറത്ത് നോ-പാർക്കിംഗ് ഏരിയകളിൽ വാഹനം നിർത്തുക എന്നിവയാണ് മറ്റു പ്രധാന നിയമലംഘനങ്ങൾ.

പിഴയും ബ്ലാക്ക് പോയിന്റുകളും

1) സ്കൂൾ ബസിന്റെ STOP സൈനിൽ നിർത്താതിരുന്നാൽ 1,000 ദിർഹം പിഴ + 10 ബ്ലാക്ക് പോയിന്റുകൾ
2) സീറ്റ്‌ബെൽറ്റ് ധരിക്കാതിരുന്നാൽ 400 ദിർഹം പിഴ + 4 ബ്ലാക്ക് പോയിന്റുകൾ.

ALSO READ: ഗസ്സയെ ചേർത്തുപിടിച്ച് യുഎഇ; 325 ട്രക്കുകളിലായി എത്തിച്ചത് 6,775 ടൺ സഹായം

സ്കൂൾ മേഖലകളിലെ പ്രധാന ട്രാഫിക് നിയമങ്ങൾ

1) വേഗപരിധി: 30–40 കിലോമീറ്റർ/മണിക്കൂർ. പിഴ: 300 മുതൽ 3,000 ദിർഹം വരെ. വേഗത 60 കിലോമീറ്റർ/മണിക്കൂറിന് മുകളിലായാൽ വാഹനം കണ്ടുകെട്ടലും ലൈസൻസ് സസ്‌പെൻഷനും അടക്കമുള്ള നടപടികൾ ഉണ്ടായേക്കാം. 

2) സ്കൂൾ ബസുകൾക്കായി വാഹനം നിർത്തൽ: സ്കൂൾ ബസ് STOP സൈൻ ഉയർത്തുമ്പോൾ കുറഞ്ഞത് അഞ്ച് മീറ്റർ പിന്നിൽ വാഹനം നിർത്തണം. ഇല്ലെങ്കിൽ 1,000 ദിർഹം പിഴയും 10 ബ്ലാക്ക് പോയിന്റുകളഉം ശിക്ഷയായി ലഭിച്ചേക്കാം.

3) മൊബൈൽ ഫോൺ ഉപയോഗം: ഡ്രൈവിംഗിനിടെയുള്ള മൊബൈൽ ഉപയോ​ഗം പൂർണമായി നിരോധിച്ചിട്ടുണ്ട്. പിഴ: 800 ദിർഹം.

4) കാൽനട ക്രോസിംഗുകൾ: സ്കൂൾ മേഖലകളിൽ കാൽനടയാത്രക്കാർക്ക് വഴി നൽകണം. ഇല്ലെങ്കിൽ 500 ദിർഹം പിഴ ഒടുക്കേണ്ടതായി വരാം.

As the new academic year begins, the UAE authorities renew warnings against traffic violations in school zones, emphasizing the importance of protecting students and ensuring road safety. The Federal Traffic Law No. 14 of 2024 aims to safeguard students' lives and reinforce their protection on roads and school buses. Drivers are reminded to follow speed limits, typically ranging from 30 to 40 km/h in school zones, and face fines from Dh300 to Dh3,000 for violations ¹ ².