റിയാദ്: സഊദിയിലെ മക്ക പ്രവിശ്യയിലെ ഖുന്‍ഫുദയില്‍ ഉണ്ടായ മലവെള്ളപ്പാച്ചിലില്‍ കുടുങ്ങിയ പിക്കപ്പ് വാനിലെ ഡ്രൈവര്‍ക്ക് അദ്ഭുതരക്ഷ. പ്രദേശത്ത് കഴിഞ്ഞ ദിവസമുണ്ടായ മലവെള്ളപ്പാച്ചിലിലാണ് പിക്കപ്പ് ഒലിച്ചുപോയത്. ഖുന്‍ഫുദക്ക് സമീപം അല്‍സലാലയിലാണ് സംഭവം.

ALSO READ: മദീനയിൽ ഹാഷിഷ് വിൽപന നടത്തിയയാൾ അറസ്റ്റിൽ 

മലവെള്ളപ്പാച്ചിലിനിടെ വാദി മുറിച്ചുകടക്കാന്‍ ശ്രമിക്കുന്നതിനിടെ പിക്കപ്പ് വാന്‍ ഒഴുക്കില്‍പ്പെടുകയായിരുന്നു. വാഹനം മുന്നോട്ട് നീങ്ങിയെങ്കിലും ഡ്രൈവര്‍ ഡോര്‍ തുറന്ന് സാഹസികമായി നീന്തി കരയ്ക്ക് കയറുകയായിരുന്നു. 

سيول الصلالات في قنونا شرق القنفذة عصر اليوم الجمعة ٢٢ اغسطس ٢٠٢٥ pic.twitter.com/PtJCwnn7lL

— عبده الناشري (@abdohalnashry) August 22, 2025

ശക്തമായ ഒഴുക്കില്‍പ്പെട്ട പിക്കപ്പ് വാന്‍ ദൂരേക്ക് ഒലിച്ചുപോയി. പിക്കപ്പ് ശക്തമായ ഒഴുക്കില്‍പ്പെട്ടതും ഡ്രൈവര്‍ ഡോര്‍ തുറന്ന് കരയ്ക്ക് നീന്തിക്കയറുന്നതും സമീപത്തുണ്ടായിരുന്നവരാണ് മൊബൈല്‍ ഫോണില്‍ പകര്‍ത്തി സമൂഹമാധ്യമങ്ങളിലൂടെ പുറത്തുവിട്ടത്. 

a driver narrowly escapes death after his pickup washed away in a sudden flash flood, highlighting the dangers of driving in flood-prone areas.