കോഴിക്കോട്: പ്രവാചക ജന്മമാസമായ പുണ്യ റബീഉല്‍ അവ്വലിന്റെ വരവേല്‍പ്പിനും സമസ്ത കേരള ജംഇയ്യത്തുല്‍ ഉലമയുടെ നൂറാം വാര്‍ഷിക അന്താരാഷ്ട്ര മഹാസമ്മേളനത്തിന്റെ പ്രചാരണത്തിനുമായി കോഴിക്കോട് ജില്ലാ മീലാദ് കമ്മിറ്റി നേതൃത്വത്തില്‍ സംഘടിപ്പിച്ച മീലാദ് വിളംബര റാലി നഗരത്തെ ആത്മീയ സന്ദേശങ്ങളാല്‍ ശ്രദ്ധേയമായി. കോഴിക്കോട് ആനമാട് കോതിപ്പാലത്ത് നിന്നും ഭക്തിനിറഞ്ഞ പ്രാര്‍ത്ഥനയോടെ തുടക്കം കുറിച്ച റാലിയില്‍ ജില്ലയിലെ വിവിധ കേന്ദ്രങ്ങളില്‍ നിന്ന് എത്തിയ ആയിരങ്ങള്‍ പങ്കെടുത്തു. പ്രവാചക പ്രകീര്‍ത്തനങ്ങള്‍ കൊണ്ട് മുഖരിതമായ ആത്മീയ അന്തരീക്ഷത്തില്‍ നടന്ന റാലിയില്‍ കുട്ടികളുടെ സ്‌കൗട്ട്, ദഫ് സംഘം നിറപ്പകിട്ടേകി. 

 

 

സമസ്ത സെക്രട്ടറി ഉമര്‍ ഫൈസി മുക്കം, കേന്ദ്ര  മുശാവറ അംഗങ്ങളായ എ.വി അബ്ദുറഹിമാന്‍ മുസ്‌ലിയാര്‍, ഒളവണ്ണ അബൂബക്കര്‍ ദാരിമി, കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി, എസ്.വൈ.എസ് കോഴിക്കോട് പ്രസിഡന്റ് സയ്യിദ് ടി.പി.സി തങ്ങള്‍, സയ്യിദ് ഹംസ ബാഫഖി തങ്ങള്‍, സയ്യിദ് സൈനുല്‍ ആബിദീന്‍ തങ്ങള്‍ നടക്കാവ്,  സയ്യിദ് അബ്ദുള്ള കോയ ശിഹാബുദ്ധീന്‍ തങ്ങള്‍, സയ്യിദ് മുബശ്ശിര്‍ ജമലുല്ലൈലി, സയ്യിദ് സ്വാലിഹ് ശിഹാബ് തങ്ങള്‍, സയ്യിദ് മന്‍സൂര്‍ ജമലുല്ലൈലി, സയ്യിദ് ഇല്യാസ് തങ്ങള്‍,സയ്യിദ് മിര്‍ബാത്ത് തങ്ങള്‍, സയ്യിദ് അലി തങ്ങള്‍, സയ്യിദ് ശറഫുദ്ധീന്‍ ജിഫ്രി, സയ്യിദ് നൗഫല്‍ ശിഹാബ് തങ്ങള്‍, കെ. മോയിന്‍ കുട്ടി മാസ്റ്റര്‍, മുസ്തഫ മുണ്ടുപാറ, ഒ.പി.എം അഷ്‌റഫ്, സി.പി ഇഖ്ബാല്‍, റഷീദ് ഫൈസി വെള്ളായിക്കോട്, സലാം  ഫൈസി മുക്കം, റാഷിദ് കാക്കുനി, മജീദ് ഹാജി , പി.എം കോയ ഹാജി, ഖാദര്‍ ഹാജി, കോയട്ടി ഹാജി, ഉസ്മാന്‍ ഹാജി ജില്ലയിലെ പ്രമുഖ പണ്ഡിതന്മാര്‍, സമസ്ത പ്രവര്‍ത്തകര്‍, യുവജനവിദ്യാര്‍ത്ഥി സംഘടനകള്‍, സാമൂഹികസാംസ്‌കാരിക രംഗത്തെ പ്രമുഖര്‍ എന്നിവര്‍ റാലിയില്‍ പങ്കുചേര്‍ന്നു. സമസ്ത  കേന്ദ്ര ആസ്ഥാനത്ത് റാലി സമാപിച്ചതിന് ശേഷം മൗലിദ് പാരായണവും ഹുബ്ബുറസൂല്‍ പ്രഭാഷണവും നടന്നു.

Kozhikode district hosts a vibrant Milad proclamation rally to welcome the holy month of Rabi'ul Awwal, carrying the message of Samastha's centenary conference, celebrating its spiritual and cultural significance