ആരോഗ്യമുള്ള ശരീരത്തിനു വേണ്ടി വെള്ളം കുടിക്കേണ്ടത് അത്യാവശ്യമാണ്. എന്നാല്‍ പലരും പല രീതിയിലാണ് വെള്ളം കുടിക്കുന്നത്. വളരെ വേഗത്തിലും ഭക്ഷണത്തിനിടയിലുമൊക്കെ വെള്ളം കുടിക്കുന്നവരാണ് നമ്മള്‍. എന്നാല്‍ വെള്ളം കുടിക്കുമ്പോള്‍ ശ്രദ്ധിക്കേണ്ട ചില കാര്യങ്ങളുണ്ട്. 

ആരോഗ്യം മെച്ചപ്പെടുത്താനും ശരീരത്തിന്റെ ഭാരം കുറയ്ക്കാനും ഊര്‍ജത്തോടെയിരിക്കാനുമൊക്കെ നമ്മള്‍ വെള്ളം കുടിക്കുമ്പോള്‍ ഈ തെറ്റുകള്‍ ഒഴിവാക്കണം. എന്തൊക്കെയാണ് നമ്മള്‍ ചെയ്യുന്ന തെറ്റുകള്‍? നോക്കാം.

സ്പീടില്‍ വെള്ളം കുടിക്കുക

വളരെ വേഗം വെള്ളം കുടിക്കുക എന്നതാണ് മിക്കവരുടേയും ശീലം. ചെയ്യേണ്ടത് ഇങ്ങനെയാണ്- വെള്ളം വേഗം കുടിക്കാതെ വായില്‍ വച്ച് 2-3 സെക്കന്‍ഡ് പിടിച്ചുവയ്ക്കുക. ശേഷം കുടിക്കുകയാണ് വേണ്ടത്. 

തണുത്തതും ചൂടുള്ളതും

നല്ല തണുപ്പുള്ള വെള്ളമോ നല്ല ചൂടുള്ള വെള്ളമോ കുടിക്കാതിരിക്കുക. അതായത് നോര്‍മല്‍ ലെവലുള്ള വെള്ളമാണ് കുടിക്കേണ്ടത്. അല്ലെങ്കില്‍ അത് ആദ്യം മുറിയിലെ താപനിലയിലേക്കു കൊണ്ടുവരാനും പിന്നീട് പ്രോസസ് ചെയ്യാനും ശരീരത്തിന് ഇരട്ടി പരിശ്രമിക്കേണ്ടി വരും. 

ഭക്ഷണത്തോടൊപ്പം വെള്ളം കുടിക്കുക

ഭക്ഷണം കഴിക്കുന്നതിനിടയില്‍ വെള്ളം കുടിക്കുന്നവര്‍ ഇഷ്ടം പോലെയുണ്ട്. ഇത് വലിയൊരു തെറ്റാണ്. ഇങ്ങനെ ഒരിക്കലും ചെയ്യരുത്. ഭക്ഷണത്തിനിടയില്‍ വെള്ളം കുടിക്കുമ്പോള്‍ ഭക്ഷണം ദഹിപ്പിക്കാന്‍ വളരെ ബുദ്ധിമുട്ടും. വെള്ളം കുടിക്കേണ്ടത് ഭക്ഷണത്തിനു ഒരു മണിക്കൂര്‍ മുമ്പോ അല്ലെങ്കില്‍ ശേഷമോ കുടിക്കുക. 

 ALSO READ: കൊളസ്‌ട്രോളല്ല ഹൃദ്രോഗം വരുത്തിവയ്ക്കുന്നത്; വില്ലന്‍ മോശമായ ഭക്ഷണശീലം

പ്ലാസ്റ്റിക് ബോട്ടില്‍ 

ചൂടു കൂടുതല്‍ ഉള്ള വെള്ളം പ്ലാസ്റ്റിക് ബോട്ടിലില്‍ ഒഴിക്കുമ്പോള്‍ കുപ്പികള്‍ മൈക്രോപ്ലാസ്റ്റിക് പുറത്തേക്കു വിടും. അതുപോലെ നിവര്‍ന്ന് ഇരുന്നുവേണം വെള്ളം കുടിക്കാന്‍. നിന്നോ ചെരിഞ്ഞോ കിടന്നോ ഒന്നും വെള്ളം കുടിക്കാന്‍ പാടില്ല. ഭക്ഷണത്തിനിടയിലെ വെള്ളം കുടിശീലവും പൂര്‍ണമായും ഒഴിവാക്കണം. ഇത് നെഞ്ചെരിച്ചിലിനും ദഹനവ്യവസ്ഥയ്ക്കും ആമാശയത്തില്‍ ആസിഡ് രൂപീകരിക്കാനും കാരണമാവുമെന്നും പറയപ്പെടുന്നു. 

ചെറു ചൂടുള്ള വെള്ളം നല്ലതാണ്. കുടിക്കാവുന്നതുമാണ്. എന്നാല്‍ തണുത്ത വെള്ളം കുടിക്കുന്നത് ഒഴിവാക്കിയേ പറ്റൂ. ഐസ് പോലുള്ള തണുത്ത വെള്ളം കുടിക്കുമ്പോള്‍ ദഹനവ്യവസ്ഥയില്‍ നിരവധി പ്രശ്‌നങ്ങളുണ്ടാക്കും. ചെറിയ ചൂടുള്ള വെള്ളമാണെങ്കിലോ ചര്‍മത്തെ ശുദ്ധീകരിക്കുകയും മുഖക്കുരു നീക്കം ചെയ്യുകയും ചെയ്യുന്നതാണ്. 

Drinking water is essential for a healthy body, but many of us unknowingly make mistakes in how we consume it. These habits can affect digestion, energy levels, and even weight management. Here are some common mistakes to avoid: