ദുബൈ: രാജ്യത്തുടനീളം അസ്ഥിര കാലാവസ്ഥ തുടരുമെന്ന് യു.എ.ഇ ദേശീയ കാലാവസ്ഥാ കേന്ദ്രം (എൻ‌.സി‌.എം) മുന്നറിയിപ്പ് നൽകി. നിലവിലെ സാഹചര്യങ്ങൾ കണക്കിലെടുത്ത് ഇന്ന് രാത്രി 8 മണി വരെ എൻ‌.സി‌.എം ഓറഞ്ച്, മഞ്ഞ അലേർട്ടുകൾ പുറപ്പെടുവിച്ചിട്ടുണ്ട്. പൊടിപടലമുള്ള ആകാശവും കുറഞ്ഞ ദൃശ്യപരതയും രാത്രി 8 മണി വരെ തുടരുമെന്ന് പ്രതീക്ഷിക്കുന്നതിനാൽ, വാഹനമോടിക്കുന്നവർ ജാഗ്രത പാലിക്കണമെന്നും നിർദേശിക്കുന്നു.

ഡ്രൈവർമാർ ജാഗ്രത പാലിക്കാനും ഇലക്ട്രോണിക് ഇൻഫർമേഷൻ ബോർഡുകളിൽ പ്രദർശിപ്പിച്ചിരിക്കുന്ന വേരിയബിൾ വേഗ പരിധികൾ കണക്കിലെടുക്കാനും ഇതുമായി ബന്ധപ്പെട്ട ഉപദേശ സന്ദേശത്തിൽ അബൂദബി പൊലിസ് ഓർമിപ്പിച്ചു.

അതേസമയം, രാജ്യത്തിന്റെ മറ്റ് ഭാഗങ്ങളിൽ വളരെ ഈർപ്പമുള്ള കാലാവസ്ഥയാണ് അനുഭവപ്പെടുന്നത്. ഈയാഴ്ച ഈർപ്പം 85 മുതൽ 90 ശതമാനം വരെ എത്തുമെന്നും, ദൈനംദിന ശരാശരി 50 ശതമാനത്തിനടുത്തായിരിക്കുമെന്നും അധികൃതർ പ്രവചിക്കുന്നു. ഇന്നലെ വൈകുന്നേരം രേഖപ്പെടുത്തിയ പരമാവധി താപനില 47.6° സെൽഷ്യസ് ആയിരുന്നു. അൽ ഐനിലും പരിസര പ്രദേശങ്ങളിലും സെപ്റ്റംബർ 4 വ്യാഴാഴ്ച വരെ മേഘാവൃതവും പൊടി നിറഞ്ഞതുമായ അന്തരീക്ഷം തുടരുമെന്ന് പ്രതീക്ഷിക്കുന്നുവെന്നും ഇതുസംബന്ധിച്ച റിപ്പോർട്ടിൽ പറഞ്ഞു.

ALSO READ: രൂപയുടെ മൂല്യം പിന്നെയും താഴേക്ക്, ഗൾഫിൽനിന്ന് നാട്ടിലേക്ക് പണം അയക്കുന്നതിൽ റെക്കോഡ് | Indian Rupee vs Gulf Currencies

UAE Weather Updates | Unstable weather to continue in UAE; Dust in the air in Abu Dhabi and Al Ain