ബംഗളൂരു : ആള്‍ ഇന്ത്യാ കെ.എം.സി.സി. ബംഗളൂരു സെന്‍ട്രല്‍ കമ്മിറ്റി ശിഹാബ് തങ്ങള്‍ സെന്റര്‍ ഫോര്‍ ഹ്യുമാനിറ്റിക്ക് കീഴില്‍ സംഘടിപ്പിക്കുന്ന എട്ടാമത് സമൂഹ വിവാഹം നാളെ നടക്കും. വൈകിട്ട് 6 മണിക്ക് ഡബിള്‍ റോഡ് സിറ്റി പാലസ് ഓഡിറ്റോറിയത്തില്‍ നടക്കുന്ന പരിപാടി പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. ആള്‍ ഇന്ത്യാ കെ.എം.സി.സി. ബംഗളൂരു സെന്‍ട്രല്‍ കമ്മിറ്റി പ്രസിഡണ്ട് ടി. ഉസ്മാന്‍ അധ്യക്ഷത വഹിക്കും. കര്‍ണാടക മന്ത്രിമാരായ ആര്‍ രാമലിംഗ റെഡി, ബി.ഇസെഡ് സമീര്‍ അഹമ്മദ് ഖാന്‍, മുസ്ലിംലീഗ് ദേശീയ വൈസ് പ്രസിഡണ്ട് കെ.സൈനുല്‍ ആബിദീന്‍, പാണക്കാട് സയ്യിദ് ബഷീറലി ശിഹാബ് തങ്ങള്‍ സി.എം.ഇബ്രാഹിം, ഗവ. ചീഫ് വിപ്പ് സലീം അഹമ്മദ്, എന്‍.എ.ഹാരിസ് എം.എല്‍.എ, എ.കെ.എം.അഷ്‌റഫ് എം.എല്‍.എ., ഡി.ജി.പി. എം.എ.സലീം, യു.എ.ഇ. കെ.എം.സി.സി. ജനറല്‍ സെക്രട്ടറി പി.കെ.അന്‍വര്‍ നഹ, ആള്‍ ഇന്ത്യാ കെ.എം.സി.സി. ദേശീയ പ്രസിഡണ്ട് കെ.കുഞ്ഞുമോന്‍ ഹാജി, മുസ്ലിംലീഗ് ദേശീയ അസിസ്റ്റന്റ് സെക്രട്ടറി അഡ്വ.വി.കെ.ഫൈസല്‍ ബാബു, കെ.പി.മുഹമ്മദ്, ഷിബു മീരാന്‍, ഉമര്‍ ഇസ്മയില്‍, അസിസ്റ്റന്റ് കമ്മീഷണര്‍ പ്രിയദര്‍ശിനി ഈശ്വര്‍ സാനികൊപ്പ തുടങ്ങിയവര്‍ സംബന്ധിക്കും. എ.ഐ.കെ.എം.സി.സി. ജനറല്‍ സെക്രട്ടറി എം.കെ.നൗഷാദ് സ്വാഗതവും സെക്രട്ടറി ഡോ.എം.എ.അമീറലി നന്ദിയും പറയും. ന്യൂനപക്ഷ വിദ്യാഭ്യാസ സമിതി കാസര്‍ഗോഡ് ജില്ലാകമ്മിറ്റി ഏര്‍പ്പെടുത്തിയ 3-ാമത് മെട്രോ മുഹമ്മദ് ഹാജി പുരസ്‌കാരം എസ്.ടി.സി.എച്ചിന് ചടങ്ങില്‍ വെച്ച് കൈമാറും.

കഴിഞ്ഞ ഏഴ് സീസണുകളിലായി 509 ജോഡി വിവാഹമാണ് ആള്‍ ഇന്ത്യാ കെ.എം.സി.സി ഇത്തരത്തില്‍ ബംഗളൂരുവില്‍ നടത്തിയത്. 2019ല്‍ ആള്‍ ഇന്ത്യാ കെ.എം.സി.സി ബംഗളൂരു കമ്മിറ്റിയുടെ ആസ്ഥാന മന്ദിരമായ ശിഹാബ് തങ്ങള്‍ സെന്റര്‍ ഫോര്‍ ഹ്യുമാനിറ്റിയുടെ ഉദ്ഘാടനത്തോടനുബന്ധിച്ചാണ് ഇത് ആരംഭിച്ചത്. 12 ജോഡി വിവാഹമാണ് ഈ സീസണിലെ ആദ്യബാച്ചില്‍ നടക്കുന്നത്. ഇതോടെ 1042 കുടുംബങ്ങളിലെ വൈവാഹിക സ്വപ്‌നങ്ങളാണ് എ.ഐ.കെ.എം.സി.സി.യിലൂടെ പൂവണിയുന്നത്. സമൂഹ വിവാഹം കൂടാതെ കര്‍ണാടകയില്‍ ആദ്യമായി കേരള മോഡല്‍ പാലിയേറ്റീവ് കെയര്‍ ആരംഭിച്ചതും എസ്.ടി.സി.എച്ച്. കേന്ദ്രമാക്കിയാണ്. 8428 യൂണിറ്റ് രക്തമാണ് വിവിധ സമയങ്ങളിലായി സംഘടന ശേഖരിച്ച് നല്‍കിയത്. 141 പേര്‍ക്ക് സൗജന്യമായി പുനരധിവാസ പദ്ധതിയുടെ ഭാഗമായി വെപ്പുകാല്‍ വെച്ച് നല്‍കി. ആശുപത്രികളിലെ വളണ്ടിയര്‍ സേവനം, മരണാനന്തര പരിചരണം, വിദ്യാഭ്യാസ സ്‌കോളര്‍ഷിപ്പ്, ട്രോമകെയര്‍ തുടങ്ങിയവയും എസ്.ടി.സി.എച്ച്. നടത്തിവരുന്നു.

The All India K.M.C.C. Bengaluru Central Committee is organizing a community wedding today, bringing together multiple couples in a grand ceremony. This initiative aims to support and empower individuals from diverse backgrounds, showcasing the spirit of community and togetherness ¹.