പട്‌ന: ബിഹാറിലെ നളന്ദ ജില്ലയില്‍ ഗ്രാമത്തിലെത്തിയ മന്ത്രിയെ നാട്ടുകാര്‍ ഓടിച്ചുവിട്ടു. 9 പേര്‍ മരണപ്പെട്ട റോഡപകടത്തിന് ശേഷം തിരിഞ്ഞുനോക്കാത്തതില്‍ പ്രതിഷേധിച്ചാണ് ഗ്രാമവാസികള്‍ സംസ്ഥാന ഗ്രാമവികസന മന്ത്രി ശ്രാവണ്‍ കുമാറിനെയും ഒപ്പമുണ്ടായിരുന്നവരെയും ഓടിച്ചത്.

കഴിഞ്ഞ ആഴ്ച ജോഗിപൂര്‍ മലാവന്‍ ഗ്രാമത്തിലാണ് അപകടമുണ്ടായത്. അപകടത്തില്‍ മരിച്ചവരുടെ വീടുകള്‍ സന്ദര്‍ശിക്കുകയോ നഷ്ടപരിഹാരം നല്‍കുകയോ ചെയ്യാത്തതാണ് ഗ്രാമീണരെ പ്രകോപിപ്പിച്ചത്. ബുധനാഴ്ച സ്ഥലം എം.എല്‍.എയോടൊപ്പം മന്ത്രിയും സംഘവും ഗ്രാമത്തിലെത്തിയെങ്കിലും നാട്ടുകാര്‍ സന്ദര്‍ശനം അനുവദിച്ചില്ല. മന്ത്രിയുടെ വാഹനവ്യൂഹം എത്തിയതിന് പിന്നാലെ നാട്ടുകാര്‍ വളഞ്ഞു. വാക്കുതര്‍ക്കത്തിനിടെ നാട്ടുകാര്‍ മന്ത്രിയെയും സംഘത്തെയും ആക്രമിക്കാനും ശ്രമിച്ചു. തുടര്‍ന്ന് പൊലീസിന്റെ നിര്‍ദേശപ്രകാരം മന്ത്രിയും സംഘവും സ്ഥലത്തുനിന്ന് രക്ഷപ്പെടാനൊരുങ്ങി. എന്നാല്‍ ഒരു കിലോമീറ്ററോളം നാട്ടുകാര്‍ മന്ത്രിയെയും സംഘത്തെയും പിന്തുടര്‍ന്നു. കൂടുതല്‍ പൊലീസ് സ്ഥലത്തെത്തിയാണ് സംഘര്‍ഷാവസ്ഥ ലഘൂകരിച്ചത്. 

സംഭവത്തിന്റ ദെൃശ്യം സോഷ്യല്‍ മീഡിയകളില്‍ പ്രചരിക്കുന്നുണ്ട്.

 ALSO READ: ബംഗാളിലും ബിഹാര്‍ മോഡല്‍ വിവാദ വോട്ടര്‍പട്ടിക പരിഷ്‌കരണം; പിന്നാലെ കേരളത്തിലും വന്നേക്കും

In a dramatic and chaotic turn of events, Bihar’s Rural Development Minister Shrawan Kumar and JD(U) MLA Krishna Murari Sharan were chased for nearly a kilometre by enraged villagers in Nalanda’s Jogipur Malawan village. The incident unfolded during the leaders’ condolence visit to families grieving the loss of nine people in a recent road accident.