കൊണ്ടോട്ടി: സംസ്ഥാന ഹജ്ജ് കമ്മിറ്റി മുഖേന 2026ലെ ഹജ്ജിന് തിരഞ്ഞെടുക്കപ്പെട്ടവർക്ക് മൂന്ന് ഘട്ടങ്ങളിലായി ഹജ്ജ് സാങ്കേതിക പരിശീലന ക്ലാസുകൾ  സംഘടിപ്പിക്കുന്നു. ഹജ്ജ് കമ്മിറ്റിയുടെ ട്രെയിനിങ് ഓർഗനൈസർമാരുടെ നേതൃത്വത്തിലുള്ള ക്ലാസുകൾ സെപ്തംബർ ഒന്നു മുതൽ നടക്കും. ക്ലാസുകളിൽ തിരഞ്ഞെടുക്കപ്പെട്ട എല്ലാവരും പങ്കെടുക്കൽ നിർബന്ധമാണ്. വെയ്റ്റിങ് ലിസ്റ്റിലുള്ള ക്രമനമ്പർ 6000 വരെയുള്ളവരും ഹജ്ജ് കമ്മിറ്റിയുടെ ക്ലാസുകളിൽ പങ്കെടുക്കണം. മറ്റു സാങ്കേതിക ക്ലാസുകളിൽ ഹാജിമാർ പങ്കെടുക്കേണ്ടതില്ല. 

സഊദി അധികൃതർ ഇന്ത്യയുടെ യഥാർഥ ക്വാട്ട  പ്രഖ്യാപിക്കുന്നതിനനുസരിച്ച് കേന്ദ്ര ഹജ്ജ് കമ്മിറ്റി സംസ്ഥാനത്തിന്റെ ക്വാട്ട നിശ്ചയിക്കും. ക്വാട്ട ലഭിക്കുന്നതിനനുസരിച്ച് വെയ്റ്റിങ് ലിസ്റ്റ് ക്രമത്തിൽ അവസരം നൽകും. പരിശീന ക്ലാസ്  സംസ്ഥാനതല ഉദ്ഘാടനം താനൂരിൽ മന്ത്രി വി. അബ്ദുറഹ്മാൻ നിർവഹിക്കും. 

ALSO READ: പ്രവാചക പ്രകീര്‍ത്തന സദസ്സുകള്‍ ഉദ്ദേശ ശുദ്ധിയോടെയാകണം: സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ 

തുടർന്നുള്ള ദിവസങ്ങളിൽ  14 ജില്ലകളിലൂം സംസ്ഥാന ഹജ്ജ് കമ്മിറ്റിയുടെ ഔദ്യോഗിക ഹജ്ജ് ട്രെയിനർമാരുടെ നേതൃത്വത്തിൽ ക്ലാസുകൾ നടക്കും. 

വിശദ വിവരങ്ങൾക്ക് ഹജ്ജ് കമ്മിറ്റി ഓഫിസുമായോ ഹജ്ജ് കമ്മിറ്റി ട്രെയിനിങ് ഓർഗനൈസർമാരുമായോ ബന്ധപ്പെടുക. ഫോൺ: 0483-2710717, 2717572,  8281211786.