മുംബൈ: 'പനീർ' എന്ന പേരിൽ വിറ്റഴിച്ചിരുന്നത് വ്യാജമായി നിർമിച്ച ചീസ്. മഹാരാഷ്ട്രയിലെ ആന്റോപ് ഹിൽ പ്രദേശത്ത് നടന്ന റെയ്ഡിൽ 550 കിലോ വ്യാജ പനീർ അധികൃതർ പിടിച്ചെടുത്തു. 'മലായ് പനീർ' എന്ന പേര് ഉപയോഗിച്ചാണ് ഈ വ്യാജ ഉൽപ്പന്നം വിറ്റിരുന്നത്. പതിവായി പനീർ വാങ്ങുന്നവർക്ക് ഉൽപ്പന്നത്തെക്കുറിച്ച് ഉണ്ടായ സംശയത്തിന്റെ അടിസ്ഥാനത്തിൽ ലഭിച്ച രഹസ്യ വിവര പ്രകാരമായിരുന്നു റെയ്ഡ്. ഭക്ഷ്യസുരക്ഷാ വിഭാഗത്തിലെ മുതിർന്ന ഉദ്യോഗസ്ഥരുടെ നേതൃത്വത്തിലായിരുന്നു റെയ്ഡ്. 

ALSO READ: 'സമരം ചെയ്‌തോ, സമരത്തിന്റെ പേരില്‍ ആഭാസത്തരം കേട്ട് പേടിച്ച് പോവാന്‍ വേറെ ആളെ നോക്കണം, വടകര അങ്ങാടിയില്‍ തന്നെ കാണും' വാഹനം തടഞ്ഞ് അസഭ്യം പറഞ്ഞ ഡി.വൈ.എഫ്.ഐക്കാരോട് ഷാഫി പറമ്പില്‍

ഓം കോൾഡ് ഡ്രിങ്ക് ഹൗസ്, ശ്രീ ഗണേഷ് ഡയറി തുടങ്ങിയ വ്യാപാര സ്ഥാപനങ്ങളിലാണ് റെയ്ഡ് നടത്തിയത്. പാൽപ്പൊടി, പാം ഓയിൽ, ചില രാസവസ്തുക്കൾ എന്നിവ ചേർത്താണ് ഈ വ്യാജ ചീസ് നിർമിച്ചിരുന്നത്. പ്രദേശവാസികൾക്കും നിരവധി ഹോട്ടലുകൾക്കും കാറ്ററിംഗ് സ്ഥാപനങ്ങൾക്കും ഈ വ്യാജ പനീറിനെക്കുറിച്ച് സംശയം തോന്നിയിരുന്നില്ല. യഥാർത്ഥ പാൽ ഉപയോഗിക്കാതെ നിർമിക്കുന്ന ഇത്തരം ഉൽപ്പന്നങ്ങൾ 'ചീസ് അനലോഗ്' എന്നാണ് പറയുന്നത്. ഇത്തരം ഉൽപ്പന്നങ്ങൾ ഉപയോ​ഗിക്കുന്നത് ഭക്ഷ്യവിഷബാധയ്ക്കും മറ്റ് ഗുരുതര ആരോഗ്യ പ്രശ്നങ്ങൾക്കും കാരണമാകാം.

ALSO READ: 'ഞങ്ങളെ പഠിപ്പിക്കും മുമ്പ് മുഖ്യമന്ത്രി ഒന്ന് കണ്ണാടി നോക്കട്ടെ, ചുറ്റും നില്‍ക്കുന്നത് ആരൊക്കെയാണ് എന്ന് കാണട്ടെ'  മറുപടിയുമായി പ്രതിപക്ഷ നേതാവ്

ഗുണനിലവാരമില്ലാത്ത വസ്തുക്കൾ ഉപയോഗിച്ച് നിർമിക്കുന്നതിനാൽ ഈ ഉൽപന്നങ്ങളിൽ പ്രോട്ടീന്റെ അളവ് വളരെ കുറവാണ്. ഉത്സവ സീസൺ അടുത്തുവരുന്ന സാഹചര്യത്തിൽ, നഗരത്തിലെ ഭക്ഷ്യവസ്തുക്കളുടെ വിതരണത്തിൽ സുതാര്യത ഉറപ്പുവരുത്താനാണ് ഈ റെയ്ഡ് ലക്ഷ്യമിട്ടത്. ഉപഭോക്താക്കൾ വാങ്ങുന്ന ഉൽപ്പന്നങ്ങളെക്കുറിച്ച് ജാഗ്രത പാലിക്കണമെന്നും, പാൽ ഉൽപ്പന്നങ്ങൾ വിശ്വസനീയരായ നിർമാതാക്കളിൽ നിന്ന് മാത്രം വാങ്ങണമെന്നും അധികൃതർ അറിയിച്ചു. 

In a recent raid in Antop Hill, Maharashtra, authorities seized 550kg of adulterated paneer, also known as "Malai Paneer," which was being sold under the guise of genuine paneer. This incident highlights the growing concern over food adulteration in India, where profit-driven manufacturers compromise on quality and safety. Similar cases have been reported in other parts of the country, such as Uttar Pradesh, where over 2,500kg of adulterated paneer was seized ¹.