ഓണസദ്യയിലെ പ്രധാനവിഭവമാണ് പുളിയിഞ്ചി. അതുമാത്രം മതിയാവും നിറയെ ചോറുണ്ണാന്‍. കുട്ടികള്‍ക്കും വലിയവര്‍ക്കുമൊക്കെ ഒരു പോലെ ഇഷ്ടവുമാണ് പുളിയിഞ്ചി.  

ചേരുവ

പുളി- 200 ഗ്രാം
ശര്‍ക്കര- 500 ഗ്രാം
ഇഞ്ചി -വലിയ രണ്ട് കഷണം
പച്ചമുളക്- 6
മഞ്ഞപ്പൊടി - കാല്‍ ടീസ്പൂണ്‍

മുളകു പൊടി - 2 ടേബിള്‍ സ്പൂണ്‍
ഉലുവ പൊടി - ഒരു ടീസ്പൂണ്‍
കറിവേപ്പില- 8 തണ്ട്
കടുക് - ഒരു സ്പൂണ്‍
ചുവന്ന മുളക് - 6

ഉണ്ടാക്കുന്ന വിധം

പുളി ഒരു മണിക്കൂര്‍ കുതിര്‍ത്തു വയ്ക്കുക. ധാരാളം വെള്ളം ചേര്‍ത്ത് പിഴിഞ്ഞ്  അരിച്ചെടുത്ത് ഉണ്ടാക്കുന്ന പാത്രത്തിലേക്ക് ഒഴിച്ച് കൊടുക്കുക. ഇത് അടുപ്പത്ത് വച്ച് ചൂടാകുമ്പോള്‍ മുളകുപൊടിയും മഞ്ഞപ്പൊടിയും ഉപ്പും ചേര്‍ക്കാം. തിളച്ചു വരുമ്പോള്‍ പച്ചമുളകും ഇഞ്ചിയും അരിഞ്ഞു വച്ചതും ചേര്‍ക്കാം. നല്ല തീയില്‍ നന്നായി കുറുക്കിയെടുക്കണം.

ALSO READ: ഓണത്തിന് ഒരുക്കാം നേന്ത്രപ്പഴം കൊണ്ടൊരു പുളിശ്ശേരി

വെള്ളം വറ്റി പകുതിയാകുമ്പോള്‍ അതിലേക്ക് ശര്‍ക്കര ചേര്‍ത്ത് വീണ്ടും കുറുക്കുക. വെള്ളം പാകമായി വറ്റിവരുമ്പോള്‍ തീ ഓഫ് ചെയ്യുക. ഒരു ചെറിയ പാനില്‍ വെളിച്ചെണ്ണ ഒഴിച്ചു ചൂടാകുമ്പോള്‍ അതിലേക്ക് വറ്റല്‍മുളകും കടുകും കറിവേപ്പിലയും  ചേര്‍ത്തു പുളിയിഞ്ചിയിലേക്ക് ഒഴിക്കുക. അതിനുമുകളിലായി ഉലുവാ പൊടിയും ചേര്‍ത്തിളക്കുക. അടിപൊളി രുചിയില്‍ പുളിയിഞ്ചി റെഡി.  

Puli Inji is one of the main dishes in the Onam Sadya, known for its tangy, sweet, and spicy flavor. Made with tamarind, ginger, and jaggery, it's a dish that perfectly balances taste and tradition. This flavorful condiment is so delicious that sometimes it’s all you need to enjoy a plateful of rice. Loved by both kids and adults, Puli Inji holds a special place in Kerala’s festive cuisine.