കാസർകോഡ്: കാസർകോഡ്-കർണാടക അതിർത്തിയായ തലപ്പാടിയിൽ ബസ് നിയന്ത്രണം നഷ്ടപ്പെട്ട് ബസ് സ്റ്റോപ്പിലേക്ക് ഇടിച്ചു കയറിയുണ്ടായ അപകടത്തിൽ മരിച്ചവരുടെ എണ്ണം ആറായി. കർണാടക ആർടിസി ബസ് ആണ് നിയന്ത്രണം നഷ്ടപ്പെട്ട് അപകടമുണ്ടാക്കിയത്. ബസ് കാത്തിരിപ്പ് കേന്ദ്രത്തിന്റെ സമീപത്തുണ്ടായിരുന്ന ഓട്ടോയിലും ബസ് ഇടിച്ചു. ബസ് അമിത വേഗതയിലായിരുന്നുവെന്ന് ദൃകസാക്ഷികൾ വ്യക്തമാക്കി. ഓട്ടോ ഡ്രൈവർ അലി, ആയിഷ, ഹസീന, ഖദീജ, നഫീസ, ഹവ്വമ്മ എന്നിവരാണ് മരിച്ചത്.

മരിച്ചവരിൽ മലയാളികളില്ല എന്നാണ് വിവരം. ബസിന്റെ ബ്രേക്ക് പോയതായാണ് അപകട കാരണം. ബസ് യാത്രക്കാരായ നിരവധി പേർക്ക് പരുക്കുണ്ട്.  ഗുരുതരമായി പരുക്കേറ്റവരെ മംഗളൂരുവിലെ സ്വകാര്യ ആശുപത്രിയിലേക്ക് കൊണ്ടുപോയി. പരുക്കേറ്റ മൂന്നു പേരുടെ നില ഗുരുതരമായി തുടരുകയാണ്.

  ALSO READ: കാസർകോട്-കർണാടക അതിർത്തിയിൽ വാഹനാപകടം; നിയന്ത്രണം നഷ്ടപ്പെട്ട ബസ് കാത്തിരിപ്പ് കേന്ദ്രത്തിൽ ഇടിച്ച് കയറി നാല് മരണം 

മരിച്ചവരിൽ നാലുപേർ കർണാടക സ്വദേശികളും ഒരാൾ തലപ്പാടി സ്വദേശിയുമാണ്. ഇതിൽ മൂന്നുപേർ ഓട്ടോറിക്ഷയിലുണ്ടായിരുന്നവരും രണ്ടുപേർ ബസ് കാത്തിരിപ്പു കേന്ദ്രത്തിലുണ്ടായിരുന്നവരുമാണ്. കാസർകോട് നിന്ന് മംഗലാപുരത്തേക്ക് വരികയായിരുന്നു കർണാടക ആർ.ടി.സി ബസ്.

അപകടമുണ്ടാക്കിയ കര്‍ണാടക ആര്‍ടിസി ബസ്സിനെതിരെ എന്‍എ നെല്ലിക്കുന്ന് എംഎല്‍എ രംഗത്തെത്തി. ബസ്സിന് ഇന്‍ഷുറന്‍സ് ഉണ്ടായിരുന്നില്ലെന്നും ബസ്സിന്റെ ടയര്‍ തേഞ്ഞു തീരാറായ അവസ്ഥയിലാരുന്നുവെന്നും അദ്ദേഹം പറഞ്ഞു. കര്‍ണാടക സ്പീക്കര്‍ യുടി ഖാദര്‍ അപകടം ഉണ്ടായ തലപ്പാടി സന്ദര്‍ശിക്കും. 

a karnataka rtc bus lost control and rammed into a bus stop at thalappady on the kerala-karnataka border, killing five people and injuring several others. eyewitnesses blame overspeeding, and brake failure is suspected. critically injured passengers have been taken to a hospital in mangaluru.