ക്രിക്കറ്റ് ലോകം ആകാംഷയോടെ കാത്തിരിക്കുന്ന ഏഷ്യ കപ്പ് ആരംഭിക്കാൻ ഇനി ദിവസങ്ങൾ മാത്രമേ ബാക്കിയുള്ളൂ. സെപ്റ്റംബർ ഒമ്പതിനാണ് ഏഷ്യയിലെ ക്രിക്കറ്റ് പോരാട്ടങ്ങൾക്ക് തുടക്കമാവുന്നത്. സെപ്റ്റംബർ 10ന് യുഎഇക്കെതിരെയാണ് ഏഷ്യ കപ്പിൽ ഇന്ത്യയുടെ ആദ്യ മത്സരം. ആരാധകർ ഏറെ പ്രതീക്ഷയോടെ കാത്തിരിക്കുന്ന ഇന്ത്യ-പാകിസ്ഥാൻ ഗ്രൂപ്പ് ഘട്ട മത്സരം സെപ്റ്റംബർ 14ന് നടക്കും. ടൂർണമെന്റിൽ ഗ്രൂപ്പ് എയിലാണ് ഇന്ത്യ ഇടം നേടിയിട്ടുള്ളത്. ഇന്ത്യക്കൊപ്പം പാകിസ്ഥാൻ, യുഎഇ, ഒമാൻ എന്നീ ടീമുകളുമാണ് ഗ്രൂപ്പിലുള്ളത്‌. 

ഇപ്പോൾ ഏഷ്യ കപ്പിൽ ഇന്ത്യയുടെ മാച്ച് വിന്നർമാരാകാൻ സാധ്യതയുള്ള മൂന്ന് താരങ്ങളെ തെരഞ്ഞെടുത്തിരിക്കുന്ന മുൻ ഇന്ത്യൻ താരം വീരേന്ദർ സെവാഗ്. അഭിഷേക് ശർമ്മ, ജസ്പ്രീത് ബുംറ, വരുൺ ചക്രവർത്തി എന്നീ താരങ്ങളെയാണ് സെവാഗ് ഇന്ത്യയുടെ പ്രധാന താരങ്ങളായി തെരഞ്ഞെടുത്തത്. 

''അഭിഷേക് ശർമക്ക് ഗെയിം ചേഞ്ചറാകാൻ കഴിയുമെന്ന് ഞാൻ കരുതുന്നു. അതുപോലെ ബുംറ എപ്പോഴും കളി മാറ്റിമറിക്കുന്ന ആളാണ്. ചാമ്പ്യൻസ് ട്രോഫിയിലും ടി-20യിലും വരുൺ ചക്രവർത്തിയുടെ ബൗളിംഗ് വളരെ മികച്ചതാണ്. സ്വന്തമായി മത്സരങ്ങൾ വിജയിപ്പിക്കാൻ ഇവർക്ക് കഴിയും'' സെവാഗ് സോണി സ്പോർട്സിൽ പറഞ്ഞു. 

2025 ഏഷ്യാ കപ്പിനുള്ള ടീം ഇന്ത്യ സ്‌ക്വാഡ് 

സൂര്യകുമാർ യാദവ് (ക്യാപ്റ്റൻ), ശുഭ്മാൻ ഗിൽ (വൈസ് ക്യാപ്റ്റൻ), അഭിഷേക് ശർമ, തിലക് വർമ്മ, ഹാർദിക് പാണ്ഡ്യ, ശിവം ദുബെ, അക്സർ പട്ടേൽ, ജിതേഷ് ശർമ (വിക്കറ്റ് കീപ്പർ), ജസ്പ്രീത് ബുംറ, അർഷ്ദീപ് സിംഗ്, വരുൺ ചക്രവർത്തി, കുൽദീപ് യാദവ്, സഞ്ജു സാംസൺ (വിക്കറ്റ് കീപ്പർ), ഹർഷിത് റാണ, റിങ്കു സിങ്.

Former Indian opener Virender Sehwag has picked three players who could be match-winners for India in the Asia Cup. Sehwag has picked Abhishek Sharma, Jasprit Bumrah and Varun Chakravarthy as the key players for India.