പാലക്കാട്: മദ്യലഹരിയില്‍ ഭര്‍ത്താവ് ഭാര്യയെ വെട്ടിപ്പരിക്കേല്‍പ്പിച്ചു. പാലക്കാട് മലമ്പുഴ ചേമ്പന ഉന്നതിയിലെ ഉണ്ണികൃഷ്ണനാണ് ഭാര്യ ബിന്ദുവിനെ ആക്രമിച്ചത്. കൊടുവാള്‍ കൊണ്ടാണ് വെട്ടിപ്പരിക്കേല്‍പ്പിച്ചത്. ഭാര്യ ബിന്ദുവിനെ ആശുപത്രിയില്‍ പ്രവേശിപ്പിച്ചു. 

പൊലിസെത്തി പ്രതി ഉണ്ണികൃഷ്‌നെ കസ്റ്റഡിയിലെടുത്തിട്ടുണ്ട്. മദ്യലഹരിയിലായിരുന്നു പ്രതിയെന്ന് പൊലിസ് വ്യക്തമാക്കി. പരിക്ക് ഗുരുതരമല്ലാത്തതിനാല്‍ പ്രാഥമിക ചികിത്സക്ക് ശേഷം ബിന്ദു വീട്ടിലേക്ക് മടങ്ങിപ്പോയി. ഉണ്ണികൃഷ്ണന്‍ സ്ഥിരം മദ്യപാനിയാണെന്ന് പരാതികള്‍ ഉള്ളതായി പൊലിസ് പറഞ്ഞു. 

ALSO READ: രാജ്യത്ത് ശിശുമരണനിരക്ക് ചരിത്രത്തിലെ ഏറ്റവും താഴ്ന്ന നിരക്കില്‍; വലിയ സംസ്ഥാനങ്ങളില്‍ ഇക്കുറിയും ഏറ്റവും കുറവ് കേരളത്തില്‍ | India's Infant Mortality 

കഴിഞ്ഞ ദിവസം തിരുവനന്തപുരം കടയ്ക്കാവൂരിലും ഭാര്യയെ വെട്ടിക്കൊല്ലാൻ ഭർത്താവ് ശ്രമിച്ചിരുന്നു. രണ്ടാം ഭാര്യയെ വെട്ടിക്കൊലപ്പെടുത്താൻ ശ്രമിച്ച കേസിൽ കായിക്കര സ്വദേശി അനു (38)വിനെയാണ് പൊലിസ് അറസ്റ്റ് ചെയ്തത്. യുവതിയുടെ വീട്ടിലെത്തിയായിരുന്നു ആക്രമണം. യുവതിയെ ഗുരുതര പരിക്കുകളോടെ തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു. 

അനുവിന്റെ രണ്ടാം ഭാര്യയാണ് വെട്ടേറ്റ യുവതി. ഇരുവർക്കുമിടയിൽ പ്രശ്‌നം നിലനിന്നിരുന്നതായി പൊലിസ് പറഞ്ഞു. വെട്ടുകത്തി ഉപയോഗിച്ചാണ് പ്രതി യുവതിയെ ആക്രമിച്ചത്. സംഭവത്തിൽ യുവതിയുടെ തലയ്ക്കും, കൈക്കും മാരക പരിക്കേറ്റതായാണ് റിപ്പോർട്ട്. പ്രതിയായ അനുവിന് നേര മുൻപും പരാതി ഉയർന്നിരുന്നു. ആദ്യഭാര്യയെ കുത്തിക്കൊലപ്പെടുത്താൻ ശ്രമിച്ച സംഭവത്തിൽ എട്ടുവർഷം മുൻപ് കല്ലമ്പലം പൊലിസ് ഇയാൾക്കെതിരെ കേസെടുത്തിരുന്നു. 

In Palakkad's Malampuzha, a drunk man named Unnikrishnan attacked his wife Bindu with a machete.