തിരുവനന്തപുരം: പൂ വില്‍പ്പനയുമായി ബന്ധപ്പെട്ടുണ്ടായ തര്‍ക്കത്തിനിടെ തമിഴ്‌നാട് സ്വദേശിയെ കുത്തി പരിക്കേല്‍പ്പിച്ച പ്രതി പിടിയില്‍. കടയിലെ ജീവനക്കാരനായ കുമാറിനെയാണ് പൊലിസ് പിടികൂടിയത്. മദ്യപിച്ചുണ്ടായ തര്‍ക്കത്തിനിടെയാണ് ആക്രമണമുണ്ടായതെന്ന് പൊലിസ് പറഞ്ഞു. 

ഇന്ന് ഉച്ചയോടെ നെടുമങ്ങാട്- കച്ചേരി ജങ്ഷനില്‍ പ്രവര്‍ത്തിക്കുന്ന സ്‌നേഹ ഫ്‌ളവര്‍ മാര്‍ട്ടിലാണ് സംഭവമുണ്ടായത്. തമിഴ്‌നാട് തെങ്കാശി സ്വദേശിയായ അനീസ് കുമാറിനാണ് കുത്തേറ്റത്. പിച്ചി-മുല്ല പൂവ് വിറ്റതുമായി ബന്ധപ്പെട്ട് അനീസ് കടയുടമ രാജനുമായി തര്‍ക്കത്തിലേര്‍പ്പെട്ടു. ഇതില്‍ ഇടപെട്ട കടയിലെ ജീവനക്കാരനായ കട്ടപ്പ കുമാര്‍ കത്രികയെടുത്ത് അനീസിന്റെ നെഞ്ചില്‍ കുത്തുകയായിരുന്നു. 

പരിക്കേറ്റ യുവാവിനെ ഉടന്‍ തന്നെ തിരുവനന്തപുരം മെഡിക്കല്‍ കോളജില്‍ പ്രവേശിപ്പിച്ചു. അനീസിന്റെ പരിക്ക് ഗുരുതരമാണെന്നാണ് വിവരം. സംഭവത്തില്‍ കടയുടമ രാജനെ പൊലിസ് നേരത്തെ കസ്റ്റഡിയിലെടുത്തിരുന്നു.

ALSO READ: പാലക്കാട് മദ്യലഹരിയില്‍ ഭര്‍ത്താവ് ഭാര്യയെ വെട്ടിപ്പരിക്കേല്‍പ്പിച്ചു; അറസ്റ്റ്

ALSO READ: എറണാകുളം കാക്കനാട് യുവാവ് ഷോക്കേറ്റ് മരിച്ചു; അപകടം കുഴല്‍ക്കിണര്‍ നിര്‍മാണത്തിനിടെ  

A man named Kumar, a shop worker, was arrested for stabbing a Tamil Nadu native during a dispute over flower sales. Police said the incident happened during an argument while under the influence of alcohol.