റിയാദ്: വിദ്യാർത്ഥികൾ, ജീവനക്കാർ, അതിരാവിലെയുള്ള മറ്റു യാത്രക്കാർ എന്നിവരെ ലക്ഷ്യം വച്ചുള്ള നീക്കമായി റിയാദ് മെട്രോ ഇനി മുതൽ രാവിലെ 5:30 ന് തന്നെ പ്രവർത്തനം ആരംഭിക്കുന്നു. മെട്രോ സേവനത്തിനായുള്ള വർദ്ധിച്ചുവരുന്ന ആവശ്യകത കണക്കിലെടുത്താണ് ഈ ക്രമീകരണമെന്നു റിയാദ് പൊതുഗതാഗത വകുപ്പ് അറിയിച്ചു. യാത്രക്കാർ കൂടുതലായി മെട്രോയെ ആശ്രയിക്കുന്നതോടെ, സ്വകാര്യ വാഹനങ്ങളെ ആശ്രയിക്കുന്നത് കുറയ്ക്കുന്നതിനും ഗതാഗതക്കുരുക്ക് ലഘൂകരിക്കുന്നതിനും സൗദി തലസ്ഥാനത്തുടനീളമുള്ള മൊബിലിറ്റി മെച്ചപ്പെടുത്തുന്നതിനും സഹായിക്കും. സുസ്ഥിരതയും ജീവിത നിലവാരവും ലക്ഷ്യമിട്ട് പൊതുഗതാഗത ശൃംഖല വികസിപ്പിക്കുന്നതിനും മെച്ചപ്പെടുത്തുന്നതിനുമുള്ള വിശാലമായ പദ്ധതികളെ പുതിയ ഷെഡ്യൂൾ പിന്തുണയ്ക്കുന്നുവെന്ന് ഉദ്യോഗസ്ഥർ പറഞ്ഞു. 

കഴിഞ്ഞ ഡിസംബറിൽ ആരംഭിച്ചതിനുശേഷം റിയാദ് മെട്രോ 100 ദശലക്ഷം യാത്രക്കാരെ എത്തിച്ചതായും പ്രവർത്തന സമയനിഷ്ഠ നിരക്ക് 99.78 ശതമാനത്തിലധികം നേടിയതായും റോയൽ കമ്മീഷൻ റിപ്പോർട്ട് ചെയ്തു. ഒലയ ഇടനാഴിയിലെ ബ്ലു ലെയിനിൽ 46.5 ദശലക്ഷം യാത്രക്കാരും, കിംഗ് അബ്ദുല്ല റോഡിലെ റെഡ് ലെയിനിൽ 17 ദശലക്ഷം യാത്രക്കാരും, മദീന റോഡിലെ ഓറഞ്ച് ലെയിനിൽ 12 ദശലക്ഷം യാത്രക്കാരും ആണ് കയറിയത്. മറ്റ് മൂന്ന് ലൈനുകളിലും കൂടി 24.5 ദശലക്ഷം യാത്രക്കാരും മെട്രോ ഉപയോഗിച്ചു. ഖസർ അൽഹുകും, കിങ് അബ്ദുല്ല ഫിനാൻഷ്യൽ സെന്റർ, എസ്ടിസി, നാഷനൽ മ്യൂസിയം എന്നിവയാണ് തിരക്കേറിയ സ്റ്റേഷനുകൾ. റിയാദ് മെട്രോയുടെ സേവനങ്ങൾ വിശാലമായ ബസ് ശൃംഖല, ആവശ്യാനുസരണം ഷട്ടിലുകൾ, പൊതുഗതാഗത പാർക്കിംഗ് സൗകര്യങ്ങൾ എന്നിവയുമായി സംയോജിപ്പിച്ചിട്ടുണ്ട്.

ALSO READ: ജറുസലേമിലും ഇസ്ലാമിക, ക്രിസ്ത്യൻ പുണ്യസ്ഥലങ്ങളിലും ഇസ്റാഈലിന് പരമാധികാരമില്ല; സയണിസ്റ്റ് പദ്ധതി തള്ളി അറബ് രാജ്യങ്ങൾ

The Riyadh public transport announced that Riyadh Metro will now begin operating daily at 5:30 AM, in a move aimed at serving students, employees, and early-morning commuters.