കണ്ണൂർ: മട്ടന്നൂർ വെളിയമ്പ്ര എളന്നൂരിൽ പെൺകുട്ടി പുഴയിലെ ഒഴുക്കിൽപ്പെട്ട് കാണാതായി. കോഴിക്കോട് താമരശ്ശേരി സ്വദേശിനിയായ ഇർഫാനയാണ് വെള്ളിയാഴ്ച വൈകീട്ട് 4 മണിയോടെ പുഴയിൽ വീണത്. അവധിദിനത്തിൽ അമ്മയുടെ വീട്ടിലെത്തിയ പെൺകുട്ടി, ബന്ധുക്കൾക്കൊപ്പം കുളിക്കാനായി പുഴയിൽ ഇറങ്ങിയപ്പോഴാണ് അപകടം സംഭവിച്ചത്.

സംഭവത്തെ തുടർന്ന് ഫയർ ഫോഴ്‌സും നാട്ടുകാരും ചേർന്ന് പെൺകുട്ടിക്കായി തെരച്ചിൽ ആരംഭിച്ചു. തെരച്ചിൽ പ്രവർത്തനങ്ങൾ തുടരുകയാണ്.