പായസത്തില്‍ റാണിയാണ് കൂട്ടുപായസം. കൊതിയൂറും രുചിയുള്ള ഈ പായസം വീട്ടില്‍ തന്നെ തയാറാക്കാവുന്നതാണ്. ഒരു പ്രാവശ്യം കുടിച്ചാല്‍ ഓര്‍മയില്‍ നിന്നു മായില്ല. 

ചേരുവകള്‍

ഉണക്കലരി - അര കപ്പ്
ശര്‍ക്കര പാനി -രണ്ടു കപ്പ്
നെയ്യ് - 3 ടേബിള്‍ സ്പൂണ്‍
തേങ്ങ -മുക്കാല്‍ കപ്പ്

ALSO READ: ഡയറ്റോ ഷുഗറോ കാരണം പായസം കുടിക്കാന്‍ പ്രയാസപ്പെടുന്നവരാണോ...?  ധൈര്യമായി കുടിച്ചോളൂ... ഇതിലെ മധുരം കുഴപ്പമല്ല

തയ്യാറാക്കുന്ന വിധം

ഉണക്കലരി നന്നായി കഴുകിയെടുക്കുക. അടി കട്ടിയുള്ള ഒരു പാത്രം അല്ലെങ്കില്‍ ഉരുളി അടുപ്പില്‍ വച്ച് ആവശ്യത്തിന് വെള്ളവും ഒഴിച്ചു തിളപ്പിക്കുക. വെള്ളം തിളച്ചു വരുമ്പോള്‍ ഒരു ടീസ്പൂണ്‍ നെയ്യ് കൂടെ ചേര്‍ക്കുക. ഇതിലേയ്ക്ക് കഴുകിവച്ച അരി ചേര്‍ത്ത് അര മണിക്കൂര്‍ നേരം വേവിക്കുക. അരി വെന്തു വരുമ്പോള്‍ ശര്‍ക്കര പാനി ഒഴിക്കുക.

ഇടത്തരം തീയില്‍ വേവിക്കാവുന്നതാണ്. വെള്ളം വറ്റി വരുമ്പോള്‍ തേങ്ങ ചിരകിയതും നെയ്യില്‍ വറുത്തെടുത്ത കശുവണ്ടിയും ഉണക്കമുന്തിരിയും ചേര്‍ത്ത് നന്നായി ഇളക്കുക. അവസാനം നെയ്യ് ചേര്‍ത്ത് തീ ഓഫ് ചെയ്യുക. ഇനി കഴിച്ചു നോക്കൂ. സൂപ്പറല്ലേ... മുകളില്‍ പഴം അരിഞ്ഞതും ചേര്‍ക്കാവുന്നതാണ്.